લંડનના નીસડન સ્થિત BAPS શ્રી સ્વામિનારાયણ મંદિર ખાતે તા. 2 માર્ચના રોજ સોમવારે વસંતના આગમનને જીવંત અને આનંદી હોળી ઉત્સવની ઉજવણી સાથે ઉજવવામાં આવ્યું હતું. જેમાં ભાગ લેવા શહેરભરમાંથી સેંકડો ભક્તો ઉમટી પડ્યા હતા.
હિન્દુ કેલેન્ડરમાં સૌથી રંગીન તહેવારોમાંનો એક હોળી, દુષ્ટતા પર સારપના વિજય, વસંતના આગમન અને જીવન અને ઉર્જાના નવીકરણની ઉજવણી કરે છે. મંદિરમાં, ઉત્સવની શરૂઆત હોલિકા દહન વિધિથી થઈ હતી. સેંકડો ભક્તોએ આદરપૂર્વક હોળીના ફેરા ફરી પ્રાર્થના કરી નારિયેળ, ધાણી તથા ખજૂરનો પ્રસાદ અર્પણ કર્યો હતો.
આ ઉજવણી આધ્યાત્મિક જ નહીં પણ સામાજિક પણ હતી અને પરિવારો અને મિત્રો ઉત્સવને માણવા માટે એકત્ર થયા હતા અને નાસ્તા અને મીઠાઈઓ પીરસતા સ્ટોલ્સનો આનંદ લીઘો હતો. તો બાળકોએ એકબીજા પર રંગો ફેંકી આનંદ મેળવ્યો હતો.
મંદિરના પ્રવક્તાએ જણાવ્યું હતું કે ‘’નીસડન મંદિરમાં હોળી ઉત્સવ હિન્દુ સાંસ્કૃતિક વારસાની યાદ અપાવે છે અને સમુદાયને ઉજવણીમાં એક કરવાનું સાધન પણ છે. આ તહેવાર આનંદ, ભક્તિ અને સંવાદિતા વિશે છે. આ સાથે આવવાની, અનિષ્ટ પર સારપના વિજય પર ચિંતન કરવાની અને પ્રેમ અને હાસ્ય સાથે જીવનની ઉજવણી કરવાની તક છે.”
