ભારત અને દક્ષિણ આફ્રિકા વચ્ચે રવિવાર 14 ડિસેમ્બરે ધર્મશાળામાં રમાયેલી ત્રીજી ટી-20 મેચમાં ભારતે સાત વિકેટે વિજય મળીને પાંચ મેચોની સીરિઝમાં 2-1થી સરસાઈ મેળવી હતી.
ભારતીય કેપ્ટન સૂર્યકુમાર યાદવે ટોસ જીતી પહેલા બોલિંગનો નિર્ણય કર્યો હતો. દક્ષિણ આફ્રિકાની ટીમ 20 ઓવરમાં 117 રન પર ખખડી ગઈ હતી. આ ટાર્ગેટનો પીછો કરતાં ભારતે 15.5 ઓવરમાં 3 વિકેટના નુકસાન પર 120 રન બનાવીને ભવ્ય જીત મેળવી હતી.
ભારત માટે અભિષેક શર્માએ 18 બોલમાં ત્રણ ચોગ્ગા અને ત્રણ છગ્ગાની મદદથી 35 રન બનાવ્યાં હતાં. આ ભારતીય યુવા ઓપનર બેટિંગની ઇનિંગ્સના પ્રથમ બોલ પર ત્રણ વખત છગ્ગો મારનાર વિશ્વનો પ્રથમ બેટ્સમેન બની ગયો હતો. અભિષેકે લુંગી એનગિડીના પ્રથમ બોલનો છગ્ગો ફટકાર્યો હતો.
ભારતે ફરી એકવાર પ્રયોગ કર્યો હતો અને ત્રીજા નંબરે સૂર્યકુમારની જગ્યાએ તિલક વર્માને મોકલ્યો હતો. ગિલ 28 બોલ પર 5 ચોગ્ગાની મદદથી 28 રન બનાવીને આઉટ થયો હતો.
કેપ્ટન સૂર્યકુમાર યાદવ ફરી એકવાર અસફળ રહ્યો હતો અને 12 રન બનાવીને આઉટ થયો હતો. તિલક 34 બોલમાં ત્રણ ચોગ્ગાની મદદથી અણનમ 25 રન અને શિવમ ચાર બોલ પર એક ચોગ્ગા અને એક છગ્ગાની મદદથી 10 રન બનાવીને અણનમ રહ્યા હતાં. દક્ષિણ આફ્રિકા માટે લુંગી એડગિની, માર્કો યાનસેન અને કૉર્બિન બોશને એક-એક વિકેટ મળી હતી.
