ઈન્ડિયન અમેરિકન કોંગ્રેસમેન શ્રી થાનેદારે હિંદુઓ, બૌદ્ધો, શીખો અને જૈનોના હિતોનું રક્ષણ કરવાના હેતુસર નવી કોંગ્રેસનલ કોકસની રચનાની જાહેરાત ગયા સપ્તાહે કરી હતી. થાનેદારે ગુરુવારે જણાવ્યું હતું કે શુક્રવારે ઔપચારિક રીતે શરૂ કરવામાં આવનાર હિંદુ, બૌદ્ધ, શીખ અને જૈન (HBSJ) અમેરિકન કોંગ્રેસનલ કોકસને બે ડઝન સાંસદો, રાજ્યોના સાંસદોએ સમર્થન આપ્યું છે.
કોકસ સંવાદને પ્રોત્સાહન આપવા, સમજને પ્રોત્સાહન આપવા અને આ સમુદાયોની ચોક્કસ જરૂરિયાતો અને ચિંતાઓ વિશે જાગૃતિ વધારવા માટે એક મંચ બની રહેશે. તેનો હેતુ ધાર્મિક ભેદભાવ સામે લડવાનો અને હિંદુઓ, બૌદ્ધો, શીખો તથા જૈનો માટે ધાર્મિક સ્વતંત્રતાને પ્રોત્સાહન આપવાનો છે.
તે નીતિવિષયક ચર્ચાઓમાં હિંદુ, બૌદ્ધ, શીખ અને જૈન દ્રષ્ટિકોણનું સચોટ પ્રતિનિધિત્વ અને સમાવેશ પણ સુનિશ્ચિત કરશે. કોકસ સાંસ્કૃતિક ગેરસમજો દૂર કરશે, આંતરધર્મ સંવાદ અને સંવાદિતાને પ્રોત્સાહન આપશે અને હિંદુ, બૌદ્ધ, શીખ અને જૈન અમેરિકનોની સુખાકારી, શિક્ષણ અને સશક્તિકરણને પ્રોત્સાહન આપવા માટેની પહેલોને સમર્થન આપશે.
શ્રી થાનેદાર માને છે કે સર્વસમાવેશક અમેરિકા મજબૂત અમેરિકા છે,” એક મીડિયા રિલીઝમાં જણાવાયું છે. કૉંગ્રેસનલ કૉકસ અમેરિકન કૉંગ્રેસના એવા સભ્યોનું જૂથ છે જે સામાન્ય કાનૂની ઉદ્દેશ્યોને અનુસરવા માટે મળે છે.
