અમેરિકાના ટેક્સાસ રાજ્યમાં એક પેટ્રોલ સ્ટેશન પર લૂંટ દરમિયાન લૂંટારાઓએ 27 વર્ષીય ભારતીય વિદ્યાર્થીની ગોળી મારીને હત્યા કરી હતી, એમ અધિકારીઓએ શનિવારે જણાવ્યું હતું. હૈદરાબાદના વતની ચંદ્રશેખર પોલે ડલ્લાસના ગેસ સ્ટેશન પર પાર્ટ-ટાઇમ કામ કરતો હતો અને શુક્રવારે ગોળીબાર થયો હતો. તે ડેન્ટોન સ્થિત યુનિવર્સિટી ઓફ નોર્થ ટેક્સાસમાં ડેટા એનાલિટિક્સમાં માસ્ટર ડિગ્રીનો અભ્યાસ કરતો હતો.
ડલ્લાસ પોલીસ વિભાગના પ્રવક્તાએ જણાવ્યું હતું કે “અમે આ દુ:ખદ ઘટનાની આસપાસના સંજોગોની તપાસ કરી રહ્યા છીએ. ડલ્લાસ કાઉન્ટી મેડિકલ એક્ઝામિનર ઓફિસ પોસ્ટમોર્ટમ કર્યું હતું. સ્થાનિક મીડિયાએ અહેવાલ મુંબઈ લૂંટના પ્રયાસ દરમિયાન લૂંટારાએ ફાયરિંગ કર્યું હતું.
હ્યુસ્ટનમાં ભારતીય કોન્સ્યુલેટ જનરલ (CGIએ જણાવ્યું હતું કે અમે પરિવારને શક્ય તમામ કોન્સ્યુલર સહાય પૂરી પાડી રહ્યા છીએ, જેમાં સ્થાનિક અધિકારીઓ સાથે વાતચીત કરવાની સુવિધા અને જરૂરી કાગળકામ ઝડપી બનાવવાનો સમાવેશ થાય છે.તપાસ ચાલુ છે અને કોન્સ્યુલેટે આ મુશ્કેલ સમયમાં પરિવારને સતત સહાય આપવાની ખાતરી આપી છે. નશ્વર અવશેષોને સ્વદેશ પરત મોકલવા માટે કાનૂની ઔપચારિકતાઓ પૂર્ણ કરવામાં આવશે. જેમાં કોન્સ્યુલેટ તરફથી મૃત્યુ પ્રમાણપત્ર અને નો ઓબ્જેક્શન સર્ટિફિકેટ જારી કરવાનો સમાવેશ થાય છે. આ ઘટનાથી યુ.એસ.માં પાર્ટ-ટાઇમ નોકરી કરતા આંતરરાષ્ટ્રીય વિદ્યાર્થીઓ માટે સલામતી અંગે નવેસરથી ચિંતા ઊભી થઈ છે.
