નેશનલ સ્ટેસ્ટિક્સ ઓફિસે (NSO)એ નાણાકીય વર્ષ 2025-26ની બીજા ત્રિમાસિક (ક્વાર્ટર-2) માટે ભારતમાં જીડીપી વૃદ્ધિનો દર જાહેર કર્યો હતો. સપ્ટેમ્બરમાં પૂર્ણ થયેલા બીજા ત્રિમાસિકમાં ભારતનો આર્થિક વિકાસ દર (GDP) 8.2 ટકાના દરે વધ્યો છે. ઉલ્લેખનીય છે કે, જે છેલ્લા છ ત્રિમાસિકમાં સૌથી વધારે છે. આ સાથે ગત નાણાકીય વર્ષના સમાન ત્રિમાસિક સમયગાળામાં GDPનો વૃદ્ધિ દર 5.6 ટકા રહ્યો હતો. વર્ષ નાણાકીય વર્ષના એપ્રિલ–જૂન (ક્વાર્ટર-1) ત્રિમાસિકમાં વૃદ્ધિ 7.8 ટકા રહ્યો હતો. જીએસટી દરોમાં ઘટાડા બાદ વપરાશ વધવાની આશામાં ઉત્પાદન વધ્યું દીધું, જેને કારણે વૃદ્ધિદરમાં તેજી જોવા મળી હતી. સત્તાવાર આંકડા મુજબ બીજા ત્રિમાસિક દરમિયાન ઉત્પાદન ક્ષેત્ર 9.1 ટકા વધ્યું. ગયા નાણાકીય વર્ષની સમાન સમયગાળામાં આ વૃદ્ધિ માત્ર 2.2 ટકા હતી. દેશની GDPમાં મેન્યુફેક્ચરિંગ ક્ષેત્રનો હિસ્સો 14 ટકા જેટલો છે.
ભારતીય અર્થતંત્રના 28 નવેમ્બરે જાહેર થયેલા ડેટા મુજબ સતત ત્રીજા ત્રિમાસિકમાં પણ શાનદાર પ્રદર્શન રહ્યું છે. જુલાઈ–સપ્ટેમ્બર ત્રિમાસિકમાં દેશનો વૃદ્ધિ દર છ ત્રિમાસિકમાં સૌથી વધુ 8.2 ટકા રહ્યો છે. જ્યારે ગયા ત્રિમાસિકમાં GDP વૃદ્ધિ દર 7.8 ટકા હતો. આ ઉપરાંત આજના આંકડા RBIના 7 ટકા ના અંદાજ કરતાં પણ સારા રહ્યા છે. આ વૃદ્ધિના કારણે FY26માં ભારતનો GDP વૃદ્ધિ દર લગભગ 7 ટકા રહે તેવી સંભાવના છે. એક સર્વેમાં અર્થશાસ્ત્રીઓને આશા છે કે આખા વર્ષની સરેરાશ વૃદ્ધિ 6.9 ટકા રહેશે. જ્યારે RBI એ 6.8 ટકા વૃદ્ધિનો અંદાજ લગાવ્યો છે. ત્રીજા ત્રિમાસિકને 22 સપ્ટેમ્બરથી લાગુ થયેલા જીએસટીમાં ઘટાડા પછી વધેલી ખપતથી મદદ મળશે.
