અમેરિકામાં ભૂતપૂર્વ વાઇસ પ્રેસિડેન્ટ કમલા હેરિસે તાજેતરમાં એક ઇન્ટરવ્યૂમાં તેમના રાજકીય ભવિષ્ય અંગે ખુલીને કહ્યું કે, તેઓ 2028માં યોજાનારી પ્રેસિડેન્ટ પદની ચૂંટણીમાં ફરીથી ઉમેદવારી કરવાનો વિચાર કરી શકે શકે છે. 2024માં પ્રેસિડેન્ટ પદના ડેમોક્રેટિક ઉમેદવાર હેરીસે જણાવ્યું હતું કે, તેમણે આ અંગે હજુ સુધી અંતિમ નિર્ણય લીધો નથી પરંતુ ફરીથી કેમ્પેઇન શરૂ કરવાની સંભાવના રહેલી છે. શેરોન મેકમોહનને આપેલા ઇન્ટરવ્યૂમાં, હેરિસને સીધો પ્રશ્ન પૂછવામાં આવ્યો કે, શું તેઓ ફરીથી પ્રેસિડેન્ટ પદ માટેની ચૂંટણી લડવાનું વિચારે છે. મેકમોહને પૂછ્યું હતું કે, ‘તમે હજુ પણ તેના વિશે વિચારો છો?’ તેના જવાબમાં હેરીસે કહ્યું કે, ‘હું વિચાર કરી શકું છું.’ જોકે, હેરિસે વધુમાં કહ્યું કે, તેમણે ભવિષ્યના કેમ્પેઇન અંગે અંતિમ નિર્ણય લીધો નથી. પ્રેસિડેન્ટની ચૂંટણી હારી ગયા પછી હેરિસે પોતાના જીવન વિશેનું પુસ્તક ‘107 ડેઇઝ’ પ્રસિદ્ધ કર્યું હતું, જેમાં 2024ની પ્રેસિડેન્ટ પદની ચૂંટણીમાં તેમના ટૂંકા સમયની વિગતો રજૂ કરી હતી. વ્હાઇટ હાઉસમાં જો બાઇડેનના સભ્યો દ્વારા આ પુસ્તકની ટીકા કરવામાં આવી હતી.
