(Photo by STRDEL/AFP via Getty Images)

લેજેન્ડરી સિંગર લતા મંગેશકરનો કોવિડ-19 પોઝિટિવ આવતા તેમને મુંબઈની બ્રીચ કેન્ડી હોસ્પિટલમાં આઈસીયુમાં દાખલ કરવામાં આવ્યા હતા. મંગળવારે લતા મંગેશકરના ભત્રીજી રચનાએ સમાચાર એજન્સીને આ અંગેની માહિતી આપી હતી અને તેમને હળવા લક્ષણો હોવાનું જણાવ્યું હતું.

રચનાએ જણાવ્યું હતું કે, ‘તેમની તબિયત સારી છે. તેમની ઉંમરને ધ્યાનમાં રાખીને સાવચેતીના ભાગરૂપે આઈસીયુમાં રાખવામાં આવ્યા છે. અમારી પ્રાઈવસીનું માન રાખવા વિનંતી કરું છું. તમારી પ્રાર્થનામાં દીદીને યાદ રાખજો’.

અગાઉ, નવેમ્બર 2019માં લતા મંગેશકરને હોસ્પિટલમાં દાખલ કરવામાં આવ્યા હતા જ્યારે તેમને શ્વાસ લેવામાં તકલીફ થઈ હતી. આ સમયે લતા મંગેશકરના નાના બહેન અને સિંગર ઉષાએ તેમને ઈન્ફેક્શન હોવાનું જણાવ્યું હતું. લતા મંગેશકરે ગયા વર્ષે સપ્ટેમ્બર મહિનામાં 92મો બર્થ ડે મનાવ્યો હતો.