યુ.એસ.-ઇઝરાયલ-ઈરાન યુદ્ધ ફાટી નીકળ્યા પછી અચાનક તેલ પુરવઠામાં સર્જાયેલા વિક્ષેપને કારણે બ્રિટિશ RAC ના નવા ડેટા મુજબ માર્ચ 2026માં યુકેમાં પેટ્રોલ અને ડીઝલના ભાવમાં અત્યાર સુધીનો સૌથી વધુ માસિક વધારો જોવા મળ્યો હતો. ઇંધણના નવા ભાવે 2022માં યુક્રેન પરના આક્રમણ દરમિયાન સ્થાપિત અગાઉના રેકોર્ડને વટાવી દીધા.
નિષ્ણાતો દ્વારા ભાવ વધારાના નવા સ્કેલને “અભૂતપૂર્વ” તરીકે વર્ણવવામાં આવ્યું છે, જેમાં ડીઝલ ડ્રાઇવરો પર સૌથી વધુ બોજ પડ્યો છે.
અન-લીડેડ પેટ્રોલના લિટરના ભાવમાં માર્ચ માસમાં સરેરાશ કિંમત 20 પેન્સ વધી છે. 1લી માર્ચના રોજ જેનો ભાવ £132.83 હતો તે મહિનાના અંત સુધીમાં £152.83 થઈ ગયો છે. જૂન 2022માં માત્ર 16.6 પેન્સ જ ભાવ વધ્યા હતા. જ્યારે લોજિસ્ટિક્સ અને માલસામાનની હેરફેર માટે ચ્રકોમાં વપરાતા ડીઝલમાં પ્રતિ લિટર 40 પેન્સનો વધારો થયો છે અને મહિનાના અંતે સરેરાશ ભાવ £182.77 પર પહોંચ્યો છે. જે 2022ના 22 પેન્સના રેકોર્ડ માસિક વધારા કરતા લગભગ બમણો છે.
યુકેની લગભગ 80% વસ્તી કામ અને રોજિંદા જીવન માટે તેમના વાહનો પર નિર્ભર હોવાથી, આ વધારો વ્યાપક અર્થતંત્રમાં ધસી આવવાની ધારણા છે, જે ડિલિવર કરેલા માલ અને જાહેર પરિવહનના ખર્ચમાં વધારો કરશે.
