વિઝા મેળવવા માટે નકલી દસ્તાવેજોનો ઉપયોગ થતો હોવાની ફરિયાદો પર કાર્યવાહી કરીને, ગુજરાત પોલીસે અમદાવાદ, ગાંધીનગર અને વડોદરામાં 17 ઇમિગ્રેશન કન્સલ્ટન્સી ફર્મ પર દરોડા પાડ્યા હતા થતા પાસપોર્ટ અને કમ્પ્યુટર હાર્ડવેર જપ્ત કર્યા હતા, એમ એક વરિષ્ઠ અધિકારીએ શનિવારે જણાવ્યું હતું.
એડિશનલ ડીજીપી (સીઆઈડી ક્રાઈમ) રાજકુમાર પાંડિયને જણાવ્યું હતું કે, રાજ્યના સીઆઈડી ક્રાઈમના કર્મચારીઓ દ્વારા એક મહિનાની દેખરેખ બાદ દરોડા પાડવામાં આવ્યા હતા.વિઝા એજન્ટોની 17 ઓફિસો પર સંયુક્ત દરોડા પાડવામાં આવ્યા હતા. અમે 27 પાસપોર્ટ, પાસપોર્ટની 182 નકલો, 53 કોમ્પ્યુટર અને હાર્ડ ડ્રાઈવ, 79 માર્કશીટ અને અન્ય દસ્તાવેજો જપ્ત કર્યા હતા. શુક્રવારે 50થી વધુ પોલીસ સાથે 17 ટીમો દ્વારા દરોડા પાડવામાં આવ્યા હતા.
વિદેશમાં, ખાસ કરીને યુએસએ, કેનેડા અને ઓસ્ટ્રેલિયા એરપોર્ટ પરથી ભારતના નાગરિકોને પરત ફરવાની ફરજ પાડવામાં આવી હોવાની ફરિયાદો મળ્યા બાદ અનેક વિઝા કન્સલ્ટન્ટ ફર્મ્સ તપાસ હેઠળ હતી. આ કંપનીઓ મુખ્યત્વે અન્ય રાજ્યોમાં સ્થિત યુનિવર્સિટીઓની નકલી માર્કશીટનો ઉપયોગ કરતી હતી અને અમુક દેશોના વિઝા માટે જરૂરી એવા IELTS અને આવા અન્ય પરીક્ષાના સ્કોર્સમાં પણ ફેરફાર કર્યા હતા.
