કોરોના વાયરસના કહેરથી દુનિયાભરમાં એક ભયનો માહોલ બની ગયો છે. કોરોના વાયરસની ગંભીરતા અને તેના ચેપથી બચવા માટે દેશભરમાં લોકો ચિંતાતુર બની રહ્યા છે.
આ દરમિયાન દક્ષિણ અમેરિકાના કોલમ્બિયામાં સ્થિત એક જેલમાં કોરોના વાયરસની આશંકાને લીધે પેદા થયેલી સ્થિતિ વણસી હિંસાનું રુપ ધારણ કર્યુ હતું. જેમાં 23 કેદીઓના મોત થયા છે અને 83થી વધારે કેદીઓ ગંભીર રીતે ઘાયલ થયા હતા.
કોલમ્બિયાના ન્યાય વિભાગે આ અંગેની જાણકારી આપતા જણાવ્યુ કે, બોગોટા કી લા મોડલો જેલમાં કોરોના વાયરસની આશંકાએ મોટા પ્રમાણમાં કેદીઓએ ભાગવાનો પ્રયત્ન કર્યો હતો, જેના હિસાબે જેલમાં હિંસા ભડકી હતી. એક મીડિયા રિપોર્ટ મુજબ આ જેલ અમેરિકાની સૌથી મોટી અને સુરક્ષિત જેલોમાંથી એક જેલ છે.
