અમેરિકાભરમાં ઓછા જાણીતા એવા શ્વસન (રેસ્પિરેટરી) ઇન્ફેક્શન- હ્યુમન મેટાન્યુમોવાઇરસ (HMPV)ના કેસ વધી રહ્યા છે. આ સ્થિતિમાં આરોગ્ય તંત્ર દ્વારા સઘન નિરિક્ષણ કરવામાં આવ્યું છે. સેન્ટર ફોર ડિસીઝ કંટ્રોલ એન્ડ પ્રીવેન્શન દ્વારા આપવામાં આવેલા ડેટા દર્શાવે છે કે, માર્ચ મહિનાની શરૂઆતમાં દેશભરમાં થયેલા પોઝિટિવ રેસ્પિરેટરી ટેસ્ટ્સમાં પાંચ ટકા જેટલા લોકોમાં આ વાઇરસ જોવા મળ્યો હતો. આ વધારો 2025માં પાનખર ઋતુથી જોવા મળ્યો, તેના લક્ષણો સામાન્ય શરદી જેવા હોય છે અને તેને ટેસ્ટ કર્યા વગર ઓળખવા મુશ્કેલ હોય છે. આરોગ્ય અધિકારીઓના જણાવ્યા મુજબ, મોટાભાગના કેસ હળવા હોય છે. પરંતુ નબળા લોકોમાં રસી ન લેવાના કારણે અથવા ચોક્કસ પ્રકારની એન્ટિવાયરલ સારવાર ન મળવાથી ચિંતા વધે છે. આ HMPV વાઇરસ સૌપ્રથમ 2001માં ઓળખાયો હતો અને તે રેસ્પિરેટરી સીન્સીટીઅલ વાઇરસ સાથે જોડાયેલ છે. દેશમાં તેના કેસ સામાન્ય રીતે શિયાળાથી વસંત ઋતુ સુધીમાં સૌથી વધુ જોવા મળે છે.
