નોર્થ વેસ્ટ લંડનના હાઉન્સલો સ્થિત ટ્યુડર પાર્ક સ્પોર્ટ્સ એન્ડ લેઝર સેન્ટર ખાતે સનાતન સ્પિરિચ્યુઆલિટી ફાઉન્ડેશન દ્વારા મહાશિવરાત્રી પ્રસંગે યોજાયેલા “શિવઓમ શિવ મેળા”માં અગ્રણી મહેમાનો અને વિવિધ ધાર્મિક જૂથોના પ્રતિનિધિઓ સહિત મોટી સંખ્યામાં લોકો ઉમટી પડ્યા હતા.
સમુદાયની એકતાના શક્તિશાળી ક્ષણનો સંકેત આપતા અને આધ્યાત્મિક વિકાસ અને પરસ્પર આદર દર્શાવતા આ કાર્યક્રમમાં શાંતિને પ્રોત્સાહન આપવા માટે રચાયેલ પરંપરાગત ધાર્મિક વિધિઓ કરવામાં આવી હતી. મુખ્ય આકર્ષણોમાં ભગવાન શીવના શીવલિંગ પરના જલાભિષેક કરાયો હતો. ભક્તોએ મહાદેવના મહિમાની જીવંત ઉજવણી કરી હતી.
સાંજનું સમાપન એક ઉર્જાવાન ભજન જામિંગ સેશન સાથે થયું હતું જેમાં ઉપસ્થિતોના હૃદયને ભાવનાત્મક મંત્રોચ્ચાર અને સંગીતમય કિર્તન – ભક્તિ દ્વારા એક કરવામાં આવ્યા હતાં.
આયોજકોએ મેળામાં સર્જાયેલા “અવિસ્મરણીય દૈવી સ્પંદનો” પર અપાર આનંદ વ્યક્ત કર્યો હતો. આ મેળાની સફળતા આધ્યાત્મિક પરંપરા અને આધુનિક બહુ-ધાર્મિક એકતા વચ્ચે એક મહત્વપૂર્ણ સેતુ તરીકે ઉત્સવની ભૂમિકાને વધુ મજબૂત બનાવે છે.
