અમેરિકાની સુપ્રીમ કોર્ટે બુધવાર, 1 એપ્રિલ, 2026એ ગેરકાયદે ઇમિગ્રન્ટ્સ અને કામચલાઉ વિઝા ધારકોના બાળકો માટે જન્મજાત નાગરિકત્વના અધિકારને સમાપ્ત કરવાના પ્રેસિડન્ટ ડોનાલ્ડ ટ્રમ્પના એક્ઝિક્યુટિવ આદેશ અંગે શંકાઓ વ્યક્ત ઘણા સવાલો કર્યા હતાં. સુપ્રીમ કોર્ટે ટ્રમ્પના આદેશના બંધારણીય યોગ્યતા સામે સવાલ કર્યા હતાં.
નવ ન્યાયાધીશો ન્યાયાધીશોએ ટ્રમ્પના એક્ઝિક્યુટિવ ઓર્ડરની કાનૂની યોગ્યતા અને તેના વ્યવહારિક પરિણામો અંગે વકીલને આકરા સવાલો પૂછ્યા હતાં. કોર્ટ પાસે 6-3ની કન્ઝર્વેટિંગ બહુમતી છે.
પ્રેસિડન્ટ ટ્રમ્પના આદેશ પર નીચલી કોર્ટે સ્ટે મૂકેલો છે. સુપ્રીમ કોર્ટે આશરે બે કલાક સુધી સરકારની દલીલો સાંભળી હતી. વહીવટીતંત્રનું પ્રતિનિધિત્વ કરતા યુ.એસ. સોલિસિટર જનરલ ડી. જોન સોઅરે ન્યાયાધીશોને જણાવ્યું હતું કે મોટાભાગના રાષ્ટ્રો જન્મજાત આપમેળે નાગરિકતા આપતા નથી. તે અમેરિકન નાગરિકત્વની અમૂલ્ય ભેટને અપમાનિત કરે છે. તે ગેરકાયદેસર ઇમિગ્રેશન માટે એક શક્તિશાળી આકર્ષણ પરિબળ તરીકે કાર્ય કરે છે અને ગેરકાયદેસર ઇમિગ્રન્ટ્સને પુરસ્કાર આપે છે જેઓ ફક્ત ઇમિગ્રેશન કાયદાઓનું ઉલ્લંઘન કરતા નથી પણ નિયમોનું પાલન કરનારાઓ સામે પણ બોજો બને છે.
કન્ઝર્વેટિવ ચીફ જસ્ટિસ જોન રોબર્ટ્સે જણાવ્યું હતું કે જન્મ સમયે નાગરિકતા માટે કોણ લાયક છે તે મર્યાદિત કરતી સરકારી વકીલની દલીલો વિચિત્ર લાગે છે. ચીફ જસ્ટિસે બર્થ ટુરિઝમ અંગેના સરકાર પાસેથી પુરાવા પણ માંગ્યાં હતાં. લિબરલ ન્યાયાધીશ એલેના કાગને જણાવ્યું હતું કે 14મા સુધારાનું વહીવટીતંત્ર જે અર્થઘટન કરી રહ્યું છે તેની જોગવાઈનું સમર્થન નથી.
ટ્રમ્પ સુપ્રીમ કોર્ટમાં સુનાવણી દરમિયાન હાજર રહ્યાં
સુપ્રીમ કોર્ટમાં આ કેસની ઐતિહાસિક સુનાવણી દરમિયાન ટ્રમ્પે કોર્ટરૂમમાં રૂબરુ હાજરી આપી હતી. કોઇ કેસમાં વર્તમાન પ્રેસિડન્ટ કોર્ટરૂમમાં હાજર રહ્યાં હોય તેવો આ આ પ્રથમ કિસ્સો હતો. વ્હાઇટ હાઉસથી મોટરકાફલા દ્વારા પહોંચ્યા પછી, લાલ ટાઈ અને ઘેરા સૂટ પહેરેલા રમ્પ, કોર્ટરૂમની પબ્લિક ગેલેરીની આગળની હરોળમાં બેઠા હતા. રિપબ્લિકન પ્રેસિડન્ટ તેમના વહીવટતંત્રી વતી દલીલ કરતા ન્યાય વિભાગના વકીલે તેમની રજૂઆત પૂર્ણ કર્યાના થોડા સમય પછી કાર્યવાહી અધવચ્ચેથી છોડી જ ચાલ્યા ગયા હતાં.
