ટી-20 વર્લ્ડ કપની શરૂઆતમાં જ કેટલીક ટીમોને ખેલાડીઓની ઈજા વગેરેના કારણે ભારે નુકશાન થયું છે. કેટલી ટીમોને દિગ્ગજ ખેલાડી ગુમાવવા પડ્યા છે.
ઝિમ્બાબ્વેના વિકેટકીપર-બેટર બ્રેંડન ટેલરને હેમસ્ટ્રિંગની ઈજા થતાં તેને બાકીની ટુર્નામેન્ટમાંથી બાકાત કરવાની ટીમને ફરજ પડી છે. કોલંબોમાં ઑસ્ટ્રેલિયા સામેની મેચની પહેલા ટોસના સમયે ઝિમ્બાબ્વેના કેપ્ટન સિકંદર રઝાએ આ માહિતી આપી હતી. ઓમાન સામેની પહેલી મેચમાં ટેલરને ઈજા થઈ હતી.
ટેલરની જગ્યાએ હવે બેન કરનનો ટીમમાં સમાવેશ કરાયો છે.
તો આયર્લેન્ડની ટીમના કેપ્ટન અને અનુભવી ઓપનર પોલ સ્ટર્લિંગને ઘૂંટણમાં ઈજાને કારણે ટુર્નામેન્ટમાંથી બહાર થવું પડ્યું હતું. ઑસ્ટ્રેલિયા સામેની મેચમાં ફિલ્ડિંગ વખતે પોલ ઈજાગ્રસ્ત થયો હતો.
