ઉબર અને ઉબર ઇટ્સ દ્વારા પવિત્ર રમઝાન મહિનાની ઉજવણી કરતા દેશભરમાં ફૂડ ડીલીવરી કરતા કુરિયર્સ માટે 100,000 જેટલા ખજૂર, પાણી અને મફત ઇફ્તાર ભોજનની વ્યવસ્થા સુહૂર પીરસતી નાની રેસ્ટોરન્ટ્સના સમર્થનથી કરવામાં આવી છે. જે દેશભરમાં ભોજન અને કરિયાણુ પહોંચાડતા ડ્રાઇવર્સને ઉપવાસ તોડવામાં મદદ કરશે.
ઉબર અને ઉબર ઇટ્સ દ્વારા યુકેના મુખ્ય નગરો અને શહેરોમાં મુસ્લિમ સમુદાયોને સેવા આપતા 35 ઇન્ડિપેન્ડન્ટ હાઇ-સ્ટ્રીટ રેસ્ટોરન્ટ્સ સાથે ભાગીદારી કરવામાં આવી રહી છે જેથી કુરિયર્સને ટેકઅવે ઇફ્તાર ભોજન પૂરા પાડી શકાય. પોપાયસ સાથેની રાષ્ટ્રવ્યાપી ભાગીદારી સૂર્યાસ્ત સમયે કુરિયર્સને મફત ઇફ્તાર ભોજન પણ પ્રદાન કરશે.
ઉબર રમઝાનના 350થી વધુ ડ્રાઇવરો માટે ઇફ્તાર ડિનરનું આયોજન કરશે, જે તેમને લંડન, બર્મિંગહામ, ગ્લાસગો, લીડ્સ અને એડિનબરામાં રોઝા તોડવા માટે ભેગા કરશે.
ઉબર ઇટ્સ યુકેના જનરલ મેનેજર મેર્વે બાસ્કીએ જણાવ્યું હતું કે “રમઝાનમાં અમે ઉપવાસ રાખનારા કુરિયર્સને ટેકો આપીએ છીએ અને આ મહત્વપૂર્ણ સમય દરમિયાન ઇન્ડિપેન્ડન્ટ રેસ્ટોરન્ટ્સને તેમના સમુદાયોની સેવા કરવામાં મદદ કરીએ છીએ.”
ઉબર યુકેના જનરલ મેનેજર એન્ડ્રુ બ્રેમે કહ્યું: “ડ્રાઇવર્સ અમારા પ્લેટફોર્મના હૃદયમાં છે. યુકેમાં ઇફ્તાર ડિનરનું આયોજન કરવું એ રમઝા દરમિયાન ડ્રાઇવરોને એકસાથે લાવવાનો એક અર્થપૂર્ણ માર્ગ છે.”
