યુકેના લેબર માર્કેટમાં 2025ના અંતિમ મહિનાઓમાં તણાવના નવા સંકેતો જોવા મળ્યા છે. ઓફિસ ફોર નેશનલ સ્ટેટિસ્ટિક્સ (ONS) ના સત્તાવાર આંકડાઓ અનુસાર બેરોજગારી વધીને 5.2 ટકા થઈ છે જે લગભગ પાંચ વર્ષમાં સૌથી વધુ સ્તર પર છે અને વેતનમાં થતો વધારો સતત ઠંડો પડી રહ્યો છે.
ઓક્ટોબરથી ડિસેમ્બર 2025ને આવરી લેતા આ ડેટાએ એવી અપેક્ષાઓને વેગ આપ્યો કે બેંક ઓફ ઈંગ્લેન્ડ ધીમા પડી રહેલા અર્થતંત્રને ટેકો આપવા માટે માર્ચ સુધીમાં વ્યાજ દરમાં વધુ ઘટાડો કરી શકે છે.
બેરોજગારીનો દર પાછલા ક્વાર્ટરમાં 5.1 ટકાથી વધીને 2021ની શરૂઆતથી રોગચાળાના યુગની બહારનું સૌથી વધુ રીડીંગ દર્શાવે છે. બોનસ સિવાય વેતન વૃદ્ધિ ધીમી પડીને 4.2 ટકા થઈ છે. જ્યારે ખાનગી ક્ષેત્રની પગાર વૃદ્ધિ ધીમી પડીને 3.4 ટકા થઈ ગઈ છે – જે પાંચ વર્ષમાં સૌથી નબળી છે. વધી રહેલા આ ફુગાવાને જોતાં વાસ્તવિક પગાર વધારો માત્ર 0.8 ટકા જેટલો સાધારણ હતો, જે નબળી માંગ વચ્ચે કામદારોની પગાર વઘારા માટે ડીલ કરવાની શક્તિમાં ઘટાડો દર્શાવે છે.
યુવાન કામદારોમાં લેબર માર્કેટની નબળાઈઓ સૌથી વધુ સ્પષ્ટ હતી. તાજેતરના આંકડા દર્શાવે છે કે 16-24 વય જૂથના યુવાનોમાં બેરોજગારી લગભગ 16.1 ટકા સુધી વધી ગઈ છે, જે રોગચાળા પછીનું ઉચ્ચતમ સ્તર છે. લગભગ છમાંથી એક યુવાન બેરોજગાર છે. અર્થશાસ્ત્રીઓએ નોંધ્યું છે કે આ જૂથમાં વધતી બેરોજગારીએ નોકરીઓની ખાલી જગ્યાઓ માટેની સ્પર્ધાને તીવ્ર બનાવી છે જે ચાલુ ભરતીઓના પડકારોને દર્શાવે છે.
નાણાકીય બજારોએ ઝડપથી પ્રતિક્રિયા આપી
બેરોજગારીના આ ડેટા રિલીઝ પછી બ્રિટિશ પાઉન્ડ મુખ્ય ચલણો સામે ઘટ્યો હતો. રોકાણકારોએ બેંક ઓફ ઇંગ્લેન્ડ દ્વારા માર્ચમાં વ્યાજના દરમાં ઘટાડાની શક્યતા લગભગ 80 ટકા દર્શાવી હતી. નાણાકીય નીતિને સરળ બનાવવાની નવી અટકળો પર સ્ટર્લિંગ યુએસ ડોલર અને યુરો સામે નીચા સ્તરે સરકી ગયા હતા.
અંધકારમય લેબર માર્કેટની પૃષ્ઠભૂમિ વચ્ચે, કમ્ઝ્યુમર સેન્ટીમેન્ટ પણ નબળો પડ્યો છે. લોકોના ઘરો વધતા દેવા અને સ્થિર આવક સાથે ઝઝૂમી રહ્યા છે ત્યારે S&P ગ્લોબલ સર્વેક્ષણમાં આ વિશ્વાસ બે વર્ષમાં સૌથી નીચા સ્તરે દર્શાવવામાં આવ્યો છે. યુવાન પુખ્ત વયના લોકોએ નાણાકીય સંભાવનાઓ પર ખાસ ચિંતા વ્યક્ત કરી છે.
સરકાર અને મિનિસ્ટર્સે આ પડકારોનો સ્વીકાર કરી યુવાન લોકો માટે વિસ્તૃત એપ્રેન્ટિસશીપ અને યુવાનો માટે કાર્યક્રમો સહિત લક્ષિત રોજગાર પહેલ પર ભાર મૂક્યો હતો. જો કે સામે ચેતવણી પણ આપી હતી કે વેતનનું દબાણ અને ભરતીના ઇરાદા ઠંડા પડતાં વ્યાપક આર્થિક ગતિ ધીમી રહી છે.
