વિન્ડહામ હોટેલ્સ અને રિસોર્ટ્સ અને ગ્રુબહબનું ઓનલાઇન ડિલિવરિંગ પ્લેટફોર્મ મહેમાનો અને સ્ટાફને ડિલિવરી ફી અને અન્ય લાભો કોઈપણ પ્રકારની ડિલિવરી ફી અને ચાર્જિસ વગર પૂરા પાડશે. આ સર્વિસ 20 બ્રાન્ડમાં લગભગ 6,000 યુ.એસ. હોટલો પર ઉપલબ્ધ છે. આ સર્વિસમાં ગ્રુબહબ એપ્લિકેશન દ્વારા સાઇટ પર અથવા હોટેલ ક્યૂઆર કોડને સ્કેન કરીને ઓર્ડર આપવામાં આવે છે.
એકવાર કનેક્ટ થઈ ગયા પછી, મહેમાનો અને સ્ટાફને ડિજિટલ પ્રક્રિયા દ્વારા લાયક ઓર્ડર પર છ મહિનાની ગ્રુબહબ મેમ્બરશિપની સાથે ફ્રી ડિલિવરી એક્ટિવેટ કરાવવામાં આવે છે. તેથી સર્વિસ ફી ઘટે છે અને પિકઅપ ઓર્ડર પર પાંચ ટકા ક્રેડિટ મળે છે, એમ કંપનીઓએ સંયુક્ત નિવેદનમાં જણાવ્યું હતું.
વ્યૂહાત્મક અને નાણાકીય ભાગીદારીના વિન્ધામના સીનિયર વાઇસ પ્રેસિડેન્ટ, ચર્માઇન ટેલરે જણાવ્યું હતું કે, “મુસાફરી આનંદપ્રદ હોવી જોઈએ, તણાવપૂર્ણ નહીં – અને તે જ ગ્રુબહબ પહોંચાડવામાં મદદ કરે છે.” “પછી ભલે તે મોડી રાતની ભૂખ હોય, ભૂલી ગયેલી આવશ્યકતાઓ હોય, અથવા ફોન ચાર્જરની જેમ છેલ્લી મિનિટની જરૂરિયાત હોય, અમારી હોટલોમાંની કોઈપણને હવે તેઓની જરૂર હોય ત્યારે તે મેળવી શકે છે.
વન્ડર ગ્રુપનો ભાગ, ગ્રુબહબ, ચાર લાખથી વધુ વેપારીઓ સાથે, 4 હજારથી વધુ યુ.એસ. શહેરોમાં કાર્યરત છે, એમ નિવેદનમાં જણાવાયું છે.
કેમ્પસ અને હોસ્પિટાલિટીના ગ્રુબહબના વાઇસ પ્રેસિડેન્ટ અને જનરલ મેનેજર રોબ ડેલક્રુઝે જણાવ્યું હતું કે વિન્ધામમાં યુ.એસ. માં સૌથી મોટી હોટેલોમાંની એક છે.
તેમણે કહ્યું, “અમે સાથે મળીને પ્રોપર્ટી અનુભવને ઉન્નત કરી રહ્યા છીએ, એટલું જ નહીં દર વર્ષે અમારે ત્યાં આવતા હજારો મહેમાનો માટે જ નહીં, પણ તે શક્ય તેટલા હજારો હોટલ ટીમના સભ્યો માટે પણ એકીકૃત સુવિધા આપી રહ્યા છીએ જે મહેમાનો માટે લાંબુ રોકાણ શક્ય બનાવે છે.”
કોમ્પ્લીમેન્ટરી ગ્રુબહબ મેમ્બરશિપ એક્ટિવેટ કરવા માટે ગ્રુબહબ એકાઉન્ટ હોવું જરૂરી છે, એમ નિવેદનમાં જણાવાયું હતું.અહીં ક્રેડિટ કાર્ડની કોઈ જરૂર નથી અને સભ્યપદ પણ ઓટો રીન્યુ નથી.
જૂનમાં, વિન્ધામે 6,000 થી વધુ યુ.એસ. અને કેનેડિયન ફ્રેન્ચાઇઝીમાં ઇલાવોનના ક્લાઉડ પેમેન્ટ્સ ઇન્ટરફેસને તૈનાત કર્યા, તેના લીધે 25 બ્રાન્ડ્સમાં હોટલોને તેમની પ્રોપર્ટી વ્યવસ્થાપન સિસ્ટમો દ્વારા સાઇટ પર હાર્ડવેર વિના ચૂકવણી કરી શકી હતી.
