અમેરિકામાં અખબારી રીપોર્ટમાં દર્શાવાયેલા અંદાજો મુજબ, ઇલિનોઇની સેનેટ બેઠક માટે ડેમોક્રેટિક પ્રાયમરીમાં ભારતીય મૂળના કોંગ્રેસમેન રાજા કૃષ્ણમૂર્તિની હાર થઇ છે અને જુલિયાના સ્ટ્રેટન વિજેતા થયા છે. પીઢ સેનેટર ડિક ડર્બિને ફરીથી ચૂંટણી નહીં લડવાની જાહેરાત કર્યા પછી આ સીટ મેળવવા માટે બંને ઉમેદવારો વચ્ચે જંગ જામ્યો હતો. આ સાથે જ 30 વર્ષના કાર્યકાળનો અંત આવ્યો હતો અને ડેમોક્રેટ્સ વચ્ચે રાજકીય ગળાકાપ સ્પર્ધા જામી હતી. રીપોર્ટ મુજબ, ઇલિનોઇ જેવા મજબૂત ડેમોક્રેટિક રાજ્યમાં ‘આ પરિણામના કારણે નવેમ્બરમાં યોજાનારી ચૂંટણીમાં ડેમોક્રેટિક પ્રાયમરીના વિજેતાની જીત લગભગ નિશ્ચિત થઇ ગઇ છે.’ આ ચૂંટણીમાં સ્ટ્રેટનને નોંધપાત્ર સંસ્થાકીય સમર્થન અને ભંડોળ મળ્યું હોવાથી તેમનો વિજય થયો હતો. ઇલિનોઇના ગવર્નર જેબી પ્રિટ્ઝકરે તેમની ઉમેદવારીને ટેકો જાહેર કર્યો હતો. આ ઉપરાંત તેમના કેમ્પેઇનમાં ઓછામાં ઓછું પાંચ મિલિયન ડોલરનું યોગદાન આપ્યું હતું. તેમને સેનેટર ટેમી ડકવર્થનું પણ સમર્થન મળ્યું હતું. આ દરમિયાન, રાજા કૃષ્ણમૂર્તિએ પોતાના સારા ભંડોળ સાથે કેમ્પેઇન કર્યું હતું. તેમણે ક્રિપ્ટોકરન્સીના ક્ષેત્રમાંથી મિલિયન્સ ડોલરનો લાભ થયો હતો. તેમણે કોંગ્રેસમાં તેમના કાર્યકાળ દરમિયાન ક્રિપ્ટો-સંબંધિત કાયદામાં તેમનો સહયોગ મજબૂત બનાવ્યો હતો.
