એક્ટર્સ રશ્મિકા મંદાના અને વિજય દેવરકોંડાના બહુપ્રતિક્ષિત લગ્ન માટેનું કાઉન્ટડાઉન ચાલુ થઈ ગયું છે. આ સેલિબ્રિટી કપલ 26 ફેબ્રુઆરીએ ઉદયપુરના એક ભવ્ય રિસોર્ટમાં લગ્ન કરશે. લગ્ન પહેલાની ઉજવણીની શરૂઆત થઈ ગઈ છે.
આ જોડી નજીકના મિત્રો અને પરિવારના સભ્યો સાથે 23 ફેબ્રુઆરીએ હૈદરાબાદથી રાજસ્થાનમાં આવી હતી.
લગ્ન સમારોહ 26 ફેબ્રુઆરીના રોજ સવારે 10 વાગ્યે શુભ મુહૂર્ત અનુસાર થશે. લગ્ન વિધિઓ તેમના વારસાના બંને પાસાંઓને પ્રતિબિંબિત કરશે. સવારે તેલુગુ સંસ્કૃતિ અને પરંપરા વિધિ થશે, જ્યારે સાંજે બીજી એક વિધિ કોડવા સમુદાયના વિધિઓ અનુસાર થશે.
વિજયનો પરિવાર તેલુગુ સમુદાયનો છે, જ્યારે રશ્મિકા કોડવા સમુદાયની છે. બંનેએ બંનેની સંસ્કૃતિઓનું સન્માન કરવાનું પસંદ કર્યું છે. ૨૩ ફેબ્રુઆરીથી મહેમાનો આવવાનું શરૂ થવાની ધારણા છે. ૨૪ અને ૨૫ ફેબ્રુઆરીના રોજ લગ્ન પહેલાની ઉજવણીનું આયોજન કરવામાં આવ્યું છે. મહેંદી અને સંગીતના કાર્યક્રમોનું પણ આયોજન કરવામાં આવ્યું છે.
સ્ટાર કપલે પોતાના લગ્નને લઈને એક ખાસ નામ આપ્યું છે. ચાહકોના ટેગને માન આપી કપલે લગ્નનું ટાઈટલ ‘ધ વેડિંગ ઓફ VIROSH’ રાખ્યું છે. વિજય-રશ્મિકા લગ્નના લગ્નની ચર્ચા ઘણાં સમયથી થઈ રહી છે. કપલે સોશિયલ મીડિયા પોસ્ટમાં લખ્યું કે “અમે કોઈ પણ યોજના બનાવીએ કે પોતાના માટે કંઈપણ પસંદ કરતા પહેલા, તમે પહેલાથી જ અમારી સાથે હતાં. તમે અમને અનહદ પ્રેમ આપ્યો અને તે પ્રેમથી તમે અમને એક નામ આપ્યું. તમે અમને VIROSH કહ્યા. એટલાં માટે આજે દીલથી અમે તમારા માનમાં અમારા આ મિલનને એક નામ આપવા માંગીએ છીએ. અમે તેને ‘ધ વેડિંગ ઑફ VIROSH’ કહેવા માંગીએ છીએ. યુગલના નિકટવર્તી સૂત્રોના જણાવ્યા અનુસાર બંનેના પરિવારજનો તથા કેટલાક ચુનંદા મિત્રોની મર્યાદિત હાજરીમાં જ લગ્ન થશે.
