વોલ સ્ટ્રીટ જર્નલના અહેવાલ મુજબ, માઈક્રોસોફ્ટના સહ-સ્થાપક અને અમેરિકન ટેક અબજોપતિ બિલ ગેટ્સે મેલિન્ડા ફ્રેન્ચ સાથેના લગ્ન દરમિયાન બે રશિયન મહિલાઓ સાથે અફેર હોવાની કબૂલાત કરી છે. એપસ્ટીન સેક્સકાંડની ફાઇલ બહાર આવ્યા પછી તેમણે આ લગ્નેત્તર સંબંધોનો સ્વીકાર કર્યો હતો.
ગેટ્સે જણાવ્યું હતું કે એક મહિલા રશિયન બ્રિજ ખેલાડી હતી, જેની સાથે તેમને બ્રિજ ઇવેન્ટ્સ દરમિયાન સંપર્ક થયો હતો. બીજી એક રશિયન પરમાણુ ભૌતિકશાસ્ત્રી હતી જેનો તેમને વ્યવસાયિક મુલાકાત દરમિયાન સંપર્ક થયો હતો. તેમના ભૂતપૂર્વ સહાયક અને વિજ્ઞાન સલાહકાર, બોરિસ નિકોલિકે, એપ્સ્ટેઇનને આ બાબતો વિશે જાણ કરી હતી, જેના દ્વારા એપ્સ્ટેઇનને તેની જાણ થઈ હતી.
ટાઉનહોલ મીટિંગમાં ગેટ્સે પોતાના જૂના સંબંધો અંગેના પ્રશ્નોના જવાબ આપતા સ્વીકાર્યું હતું કે એપસ્ટીન સાથે સમય વિતાવવો અને ફાઉન્ડેશનના વરિષ્ઠ અધિકારીઓને તેની સાથે મેળવવા એ ‘એક મોટી ભૂલ’ હતી. આ નિર્ણયને કારણે સંગઠનના લોકોને અસહજ પરિસ્થિતિનો સામનો કરવો પડ્યો, જેની તેઓ જવાબદારી લે છે. એપસ્ટીન ફાઇલ્સમાં જણાવ્યા મુજબ રશિયાની બે મહિલાઓ સાથે તેમના અફેર હતા, પરંતુ તેમણે સ્પષ્ટ કર્યું કે તે સંબંધોને એપસ્ટીનના પીડિતો સાથે કોઈ લેવાદેવા નહોતી.
