સેવા ઇન્ટરનેશનલ યુએસએ (સેવા) – હ્યુસ્ટન દ્વારા તાજેતરમાં સમુદાય અને સેવાની શક્તિનો સુંદર પૂરાવો આપતા કેટીના વડિલોના મિલનનું આયોજન કરાયું હતું.
બપોરની શરૂઆત ચેર યોગના સત્ર સાથે થઈ હતી. સૌએ સંગીતમય પાસિંગની જીવંત રમતમાં ડૂબકી લગાવી ઊર્જા અનુભવી હતી. રમત દરમિયાન યુવા સ્વયંસેવકો અને સિનિયર્સને એકસાથે હસતા જોઈને ખરેખર પેઢીઓ વચ્ચેનું હૃદયસ્પર્શી બંધન નજરે પડ્યું હતું.
સૌએ ડાન્સ ફ્લોર પર સંગીત-નૃત્ય, રમતો અને નાસ્તાનો અનંદ લીધો બહતો. દિવસ આખો જાણે કે સ્મિત, ગતિશીલતા અને નિઃસ્વાર્થ સેવાની સાચી ભાવનાથી ભરેલો જણાયો હતો.
કાર્યક્રમમાં સેવાના યુવા સ્વયંસેવકોએ સિનિયર્સ સાથે ખભેખભા મિલાવીને કામ કર્યું હતું અને ખાતરી કરી હતી કે જોડાયેલ દરેક વ્યક્તિ સક્રિય રહે.
