ટી-20 વર્લ્ડકપની સુપરએઇટની 26 ફેબ્રુઆરીએ ચેન્નાઇમાં રમાયેલી મેચમાં ભારતે ઝિમ્બાબ્વેને 72 રનથી હરાવી આ ટુર્નામેન્ટની સેમિફાઇનલમાં પ્રવેશની પોતાની આશા જીવંત રાખી હતી. ભારતે હજુ રવિવારે વેસ્ટ ઇન્ડિઝ સામે રમાનારી મેચ જીતવી પડશે અને તે પછી તે સેમિફાઇનલમાં પ્રવેશ કરી શકશે.
હાર્દિક પંડ્યા, અભિષેક શર્મા અને તિલક વર્માની આક્રમક બેટિંગની મદદથી ભારતે 20 ઓવરમાં ચાર વિકેટ ગુમાવીને 256 રનનો તોતિંગ સ્કોર ખડો કર્યો હતો. જેના જવાબમાં ઝિમ્બાબ્વે તેની 20 ઓવરમાં 184 રન કરી શક્યું હતું. વર્તમાન વર્લ્ડ કપમાં અગાઉ ખાતું પણ ખોલાવી નહીં શકેલા અભિષેક શર્માએ ટીમને મજબૂત પ્રારંભ અપાવ્યો હતો. તેને માત્ર 30 બોલમાં ચાર સિક્સર અને ચાર ચોગ્ગા સાથે 55 રન ફટકાર્યા હતાં.
હાર્દિકની અને તિલક વર્મા માત્ર 31 બોલમાં 84 રન ઝૂડી નાખ્યા હતા. ઇનિંગ્સના છેલ્લા બોલે અડધી સદી પૂરી કરનારા હાર્દિક પંડ્યાએ 23 બોલમાં ચાર સિક્સર અને બે ચોગ્ગા સાથે અણનમ 50 રન ફટકાર્યા હતા તો તિલક વર્મા તો પોતાના સિનિયર જોડીદાર કરતાં પણ વધારે આક્રમક રહ્યો હતો. તેને માત્ર 16 જ બોલ રમીને ચાર ચાર સિક્સર અને ચોગ્ગા સાથે અણનમ 44 રન ફટકાર્યા હતા.
જવાબમાં ઝિમ્બાબ્વે છ વિકેટે ૧૮૪ રન જ બનાવી શક્યું. ઓપનર બ્રાયન બેનેટે શિવમ દુબેને એક ઓવરમાં ૨૬ ફટકાર્યા હતા. તેને ૫૯ બોલમાં અણનમ ૯૭ રનની ઇનિંગ રમી હતી.
