ઓસ્ટ્રેલિયામાં ત્રીજી અને અંતિમ ટી-20 મેચ જીતીને ભારતની મહિલા ટીમ શનિવાર, 22 ફેબ્રુઆરીએ ઇતિહાસ રચ્યો હતો. સ્મૃતિ મંધાના અને જેમીમા રોડ્રિગ્સ વચ્ચે સદીની ભાગીદારીની મદદથી ભારતે ઓસ્ટ્રેલિયા સામે 17 રનથી વિજય મેળવ્યો હતો, જે એક દાયકામાં યજમાન ટીમ સામેની પ્રથમ દ્વિપક્ષીય T20I શ્રેણીમાં વિજય હતો.
મંધાનાએ ૫૫ બોલમાં ૮૨ રન (૮ ચોગ્ગા, ૩ છગ્ગા) અને રોડ્રિગ્સે ૪૬ બોલમાં ૫૯ રન બનાવ્યા હતાં. આ જોડીએ બીજી વિકેટ માટે ૧૨૧ રન બનાવ્યા હતાં. મેચમાં ટોસ જીતીને બેટિંગ પસંદ કર્યા પછી ભારતે છ વિકેટે ૧૭૬ રન બનાવ્યા હતાં.જેના જવાબમાં ઓસ્ટ્રલિયાએ 20 ઓવરમાં નવ વિકેટે 159 રન કર્યા હતા.
ભારતની શરૂઆત નબળી રહી હતી અને શેફાલી વર્મા માત્ર સાત રન કરીને આઉટ થઈ ગઈ હતી. પરંતુ ત્યાર બાદ સ્મૃતિ મંધાના અને જેમિમાહ રોડ્રિગ્સ વચ્ચે 121 રનની અત્યંત મહત્વની ભાગીદારી થઈ હતી.
177 રનના લક્ષ્યનો પીછો કરવા ઉતરેલી ઓસ્ટ્રેલિયાની ટીમની શરૂઆત ખૂબ જ ખરાબ રહી હતી. ભારતીય બોલરોએ પાવરપ્લેમાં જ ઓસ્ટ્રેલિયાની ત્રણ વિકેટ માત્ર 32 રનમાં ખેરવી દીધી હતી. ઓસ્ટ્રેલિયા તરફથી એશ્લે ગાર્ડનરે સૌથી વધુ 57 રન ફટકાર્યા હતા પરંતુ તે પોતાની ટીમને જીત અપાવી શકી ન હતી.
ઓસ્ટ્રેલિયાના બેટિંગ ધબડકામાં ભારતની લગભગ તમામ બોલરે સફળતા હાંસલ કરી હતી. જેમાં શ્રેયંકા પાટિલે 22 રન આપીને ત્રણ વિકેટ, શ્રી ચરણીએ 32 રન આપીને ત્રણ વિકેટ લીધી હતી. સ્મૃતિ મંધાનાને પ્લેયર ઓફ ધ મેચ જાહેર કરાઈ હતી.
ભારત તેના આ પ્રવાસમાં હવે 24મીથી ત્રણ મેચની વન-ડે સિરીઝનો પ્રારંભ કરશે. પહેલી મેચ બ્રિસબેનમાં રમાયા બાદ બંને ટીમ હોબાર્ટ જશે જ્યાં 27મી ફેબ્રુઆરી અને પહેલી માર્ચે બે વન-ડે રમાશે. ત્યાર બાદ છઠ્ઠી માર્ચથી એક ટેસ્ટ મેચ રમાશે.
