જેમ જેમ એન્ડ્રુ માઉન્ટબેટન-વિન્ડસરની તપાસ વધુ તીવ્ર બની રહી છે, તેમ તેમ પોલીસ ડિટેક્ટીવ્સ ભૂતપૂર્વ સહાયકો અને સહયોગીઓની “વિશાળ જાળ” તરફ ધ્યાન કેન્દ્રિત કરી રહ્યા છે. ભૂતપૂર્વ પ્રિન્સની ધરપકડ બાદ નિષ્ણાતો સૂચવે છે કે આ તપાસમાં મહિનાઓ લાગી શકે છે.
પોલીસ તપાસના કેન્દ્રમાં ભૂતપૂર્વ NHS સર્જન છે અને મેડિકલ ટેકનોલોજી સલાહકાર ડૉ. અમિત પટેલ છે. પટેલે યુકેના વેપાર દૂત તરીકે એન્ડ્ર્યુના કાર્યકાળ દરમિયાન તેમના ખાસ સલાહકાર તરીકે સેવા આપી હતી અને 300થી વધુ વૈશ્વિક કાર્યક્રમોમાં ભાગ લીધો હતો. જોકે હાલને તબક્કે કોઈ ગેરરીતિનો સંકેત નથી પણ તપાસકર્તાઓ ડ્યુકના કાર્યાલયમાં “સેકન્ડેડ” ભૂમિકાઓની પ્રકૃતિ અને તે સમયગાળા દરમિયાન કરવામાં આવેલી આંતરરાષ્ટ્રીય વેપાર મુલાકાતોની વિગતો સમજવા માટે ઉત્સુક છે.
આ ઉપરાંત ડ્યુકના સૌથી નજીકના સહાયક અમાન્ડા થિર્સ્ક, ડ્યુકની ખાનગી બાબતો અને નાણાકીય બેઠકોનું સંચાલન કરતા ડોમિનિક હેમ્પશાયર, જર્મન ઉદ્યોગપતિ અને જેફરી એપ્સ્ટેઇન સાથે ઘરોબો કરાવનાર ડેવિડ સ્ટર્ન, ડ્યુક સાથે લાંબા સમયથી સંબંધો ધરાવતા અને દોષિત તસ્કર ગીસ્લાઇન મેક્સવેલ આ તપાસના મુખ્ય આધારસ્તંભ છે.
પૂર્વ પોલીસ કમિશનર માર્ટિન અંડરહિલે ચેતવણી આપી છે કે જો પુરાવા કાળજીપૂર્વક એકત્રિત કરવામાં નહીં આવે તો મોટા પાયે “સામાજિક પરિણામ” આવશે.
