અમેરિકા સ્થિત બે એશિયન અમેરિકન હોટેલીયર્સ સંયુક્ત આરબ અમીરાતના દુબઈમાં $1.3 બિલિયનનું રોકાણ કરી વૈભવી જે.ડબલ્યુ. મેરિયોટ ઈન્ટરનેશનલ રીસોર્ટવિકસાવવાનું આયોજન કરી રહ્યા છે. જેડબ્લ્યુ મેરિયોટ અલ મરજાન આઇલેન્ડ રીસોર્ટઅને જેડબ્લ્યુ મેરિયોટ રેસિડેન્સીસ અલ મરજાન આઇલેન્ડ, જે ભૂપેન્દર ‘બ્રુસ’ પટેલ અને અનવર અલી અમાન દ્વારા સ્થાપિત WOW રિસોર્ટ્સ દ્વારા વિકસાવવામાં આવી રહ્યો છે, તે 2026માં શરૂ થવાનો છે.
પટેલ અને અમને 15 નવેમ્બરના રોજ પ્રોજેક્ટ માટે અનાવરણ સમારોહ યોજ્યો હતો, જેમાં મરજાનના સીઇઓ અબ્દુલ્લા અલ અબ્દુલી, અલ મરજાન આઇલેન્ડ સહિત રાસ અલ ખાઇમાહમાં ફ્રીહોલ્ડ પ્રોપર્ટીના માસ્ટર-ડેવલપર અને JW મેરિયોટના પ્રતિનિધિઓ હાજર હતા.
દુબઈ સ્થિત લીડ કન્સલ્ટન્ટ્સ આર્કિટેક્ચર ડિઝાઈન યુનિટ સાથે બેવર્લી હિલ્સ આર્કિટેક્ટ ટોની અશાઈ દ્વારા ડિઝાઈન કરવામાં આવેલ આ પ્રોજેક્ટમાં 300 ગેસ્ટ રૂમ્સ સાથે એકથી ચાર બેડરૂમ સાથેના 524 રહેઠાણો તેમજ પેન્ટહાઉસનો સમાવેશ થશે. તેમાં સાત ડાઇનિંગ વેન્યુ, પૂલ અને ફિટનેસ સેન્ટર હશે.
નવી WOW રિસોર્ટની પ્રોપર્ટી રાસ અલ ખૈમાહ ઇન્ટરનેશનલ એરપોર્ટ અને દુબઇ ઇન્ટરનેશનલ એરપોર્ટની નજીક છે. માર્જન આઇલેન્ડ રિસોર્ટમાં 7 કિલોમીટરથી વધુ દરિયાકિનારા અને ઘણી મોટી હોટલો, સ્પા અને ગોલ્ફ કોર્સ સાથે ચાર માનવસર્જિત ટાપુઓનો સમાવેશ થાય છે. રીસોર્ટવાર્ષિક 5 મિલિયન મુલાકાતીઓની મુલાકાતની અપેક્ષા રાખે છે.
