દિશા પટણી અત્યારે પોતાની નવી ફિલ્મ ‘એક વિલન રીટન્ર્સ’નું શૂટિંગ કરી રહી છે. આ ફિલ્મમાં અભિનેત્રી એકશન દૃશ્યો પોતે ભજવી રહી છે અને તેનો લૂક પણ બોલ્ડ રહેશે. આ અંગે દિશાએ જણાવ્યું હતું કે, તે ફિલ્મમાં સ્ટંટ દૃશ્યો પોતે જ ભજવે છે. આ માટે તેણે ખાસ ટ્રેનિંગ લીધી છે. આ ફિલ્મની સ્ટોરીમાં દર્શકોને વારંવાર નવા વળાંક જોવા મળશે. આ ‘એક વિલન’ ફિલ્મની સીકવલ છે, જે આવતા વર્ષે 8 જુલાઇએ રજૂ થશે. મોહિત સૂરીની આ ફિલ્મમાં દિશા ઉપરાંત જોન અબ્રાહમ, અર્જુન કપૂર અને તારા સુતરીઆ પણ કાસ્ટમાં સામેલ છે. દિશા પાસે એકતા કપૂરનો પણ એક ફિલ્મ પ્રોજેક્ટ છે.
