ભારતીય હાઈ કમિશન (HCI), લંડને 21 ફેબ્રુઆરી, 2026ના રોજ ડાર્ટફર્ડ, કેન્ટમાં એક વિશિષ્ટ કોન્સ્યુલર કેમ્પનું સફળતાપૂર્વક આયોજન કર્યું હતું.
‘કોન્સ્યુલર સપોર્ટ ઓન ધ ડોરસ્ટેપ’ના સ્લોગન હેઠળ ડાયસ્પોરા માટે અમલદારશાહીના અવરોધોને સુવ્યવસ્થિત કરવાના એક મોટા પ્રયાસમાં હાઈ કમિશનની સમર્પિત ટીમે સ્થાનિક સ્થળને વન-સ્ટોપ સર્વિસ હબમાં રૂપાંતરિત કર્યું હતું. જેનાથી કેન્ટના ભારતીય ડાયસ્પોરા સમુદાયને સીધી આવશ્યક મદદ મળી હતી.
આ પહેલનો હેતુ સ્થાનિક રહેવાસીઓને નિયમિત કામ માટે સેન્ટ્રલ લંડન જવાની જરૂરિયાતને બાયપાસ કરવાનો હતો. દિવસભર અધિકારીઓએ પાસપોર્ટ રિન્યુઅલ, ઓવરસીઝ સિટીઝનશિપ ઓફ ઈન્ડિયા (OCI) અરજીઓ અને વિવિધ વિઝા સેવાઓની સહાય પૂરી પાડી હતી. સ્થાનિક સ્તરે આ દસ્તાવેજોની પ્રોસેસ કરીને, હાઈ કમિશન કોન્સ્યુલર સેવાઓને વધુ સુલભ અને મૈત્રીપૂર્ણ બનાવવાનો હેતુ ધરાવે છે.
ટીમના એક પ્રતિનિધિએ જણાવ્યું હતું કે “ભારતીય સમુદાયના ઘરઆંગણે કોન્સ્યુલર સપોર્ટ લાવવો એ ફક્ત કાગળકામ કરતાં વધુ છે, તે જોડાણ વિશે છે. ડાર્ટફર્ડ કેમ્પ એ ભારતીય હાઈ કમિશન દ્વારા યુકેમાં ભારતીય નાગરિકો અને ભારતીય મૂળના લોકોને સમુદાય સાથે જોડાવા માટે એક વ્યાપક આઉટરીચ વ્યૂહરચનાનો ભાગ છે.
