ભારતીય હાઇ કમિશન, લંડન દ્વારા પ્રસ્તાવિત ભારત-યુકે કોમ્પ્રીહેન્સિવ ઇકોનોમિક એન્ડ ટ્રેડ એગ્રીમેન્ટ (CETA) હેઠળ ભવિષ્ય માટે તૈયાર થનાર વેપાર સંબંધો પર ચર્ચા કરવા માટે ભારતના મહિલા ઉદ્યોગસાહસિકો અને નિકાસકારો માટે એક ખાસ રાઉન્ડટેબલનું આયોજન કરવામાં આવ્યું હતું.
ચર્ચાઓનું નેતૃત્વ ભારતીય હાઇ કમિશન, લંડનના ઇકોનોમિક મિનિસ્ટર નિધિ એમ. ત્રિપાઠી અને ભારત-યુકે CETA ના મુખ્ય વાટાઘાટકારોમાંના એક કેટ થોર્નલી દ્વારા કરવામાં આવ્યું હતું. મસાલા, ચા અને કોફી સહિત – વસ્ત્રો, કાપડ અને કૃષિ-ઉત્પાદનો ક્ષેત્રોના મહિલા-નેતૃત્વ ધરાવતા બિઝનેસીસે યુકેમાં નવી નિકાસ તકો અને બજાર ઍક્સેસ વિષે ચર્ચા વિચારણા કરી હતી.
મુખ્ય ધ્યાન CETA ના પ્રસ્તાવિત જાતિ સમાનતા (જેન્ડર ઇક્વાલીટી) પ્રકરણ પર હતું, જેનો હેતુ લક્ષિત સમર્થન અને ડોઇન્ટ વર્કીંગ ગૃપ દ્વારા સમાવિષ્ટ વેપાર સુવિધાને પ્રોત્સાહન આપવાનો હતો. ઇન્ટરનેશનલ ટ્રેડ સેન્ટરના પ્રતિનિધિ મિશેલ ક્રિસ્ટીએ વૈશ્વિક સ્તરે મહિલા ઉદ્યોગસાહસિકોને ટેકો આપતી ‘શીટ્રેડ્સ પહેલ’ પર પ્રકાશ પાડ્યો હતો.
રાઉન્ડટેબલમાં જોડાયેલ સૌએ યુકેના બજારમાં પ્રવેશવાના અનુભવો શેર કર્યા હતા અને મહિલા આર્થિક સશક્તિકરણને આગળ વધારવા અને ભારત-યુકે બિઝનેસ ભાગીદારીને મજબૂત બનાવવામાં વેપારની વધતી ભૂમિકા પર ભાર મૂક્યો હતો.
