ઇન્ડિયા એઆઇ ઇમ્પેક્ટ સમીટમાં નાયબ વડાપ્રધાન ડેવિડ લેમી અને એઆઇ કનિષ્ક નારાયણના નેતૃત્વમાં યુકેનું પ્રતિનિધિમંડળ ભાગ લઈ રહ્યું છે. યુકેનું પ્રતિનિમંડળ AI ઇમ્પેક્ટ સમિટ દરમિયાન આર્ટિફિશિયલ ઇન્ટેલિજન્સ કેવી રીતે આર્થિક વૃદ્ધિને સુપરચાર્જ કરી શકે છે, કેવી રીતે નવી નોકરીઓનું સર્જન કરી શકે છે અને કેવી રીતે જાહેર સેવાઓમાં સુધારો કરી શકે છે તેના પર ધ્યાન કેન્દ્રીત કરશે.
સમીટ પહેલા લેમીએ જણાવ્યું હતું કે આ સમિટ એ નક્કી કરવા માટે એક મહત્વપૂર્ણ ક્ષણ છે કે આપણે આપણા આંતરરાષ્ટ્રીય ભાગીદારો સાથે મળીને AIના સંપૂર્ણ લાભો અને સંભાવનાઓને કેવી રીતે બહાર લાવી શકીએ.ડિપાર્ટમેન્ટ ફોર સાયન્સ, ઇનોવેશન એન્ડ ટેકનોલોજી (DSIT) એ જણાવ્યું હતું કે ભારત અને બ્રિટન “કુદરતી ટેક ભાગીદારો” છે. ઇન્ફોસિસ, ટાટા કન્સલ્ટન્સી સર્વિસીસ (TCS) અને વિપ્રો જેવી સોફ્ટવેર દિગ્ગજ કંપની યુકેમાં તેમના બિઝનેસનું વિસ્તરણ કરી રહી છે.
યુકેના આર્ટિફિશિયલ ઇન્ટેલિજન્સ અને ઓનલાઈન સલામતી પ્રધાન કનિષ્ક નારાયણે જણાવ્યું છે કે અમેરિકા અને ચીનમાં મોટી આર્ટિફિશિયલ ઇન્ટેલિજન્સ લેબોરેટરીઝ જોવા મળી શકે છે, પરંતુ ભારત અને બ્રિટન એઆઇ અપનાવવા માટે વિશ્વમાં શ્રેષ્ઠ સ્થાનો બની શકે છે.
