હિંદુ-અમેરિકન સમુદાયના સભ્યોએ અયોધ્યામાં 22 જાન્યુઆરી, 2024ના રોજ રામ મંદિરના ઉદ્ઘાટનની યુ.એસ.માં એક મહિના લાંબી ઉજવણીની પ્રારંભ કર્યો હતો. વોશિંગ્ટન ડીસીમાં હિન્દુ અમેરિકન સમુદાયે શનિવાર, 16 ડિસેમ્બરે શહેરના સબર્બમાં કાર રેલીનું આયોજન કર્યું હતું.
સમુદાયના કેટલાક સભ્યો ફ્રેડ્રિક સિટી મેરીલેન્ડ નજીક અયોધ્યા વે પર આવેલા શ્રી ભક્ત અંજનેય મંદિર ખાતે એકઠા થયા હતા. આયોજકોના જણાવ્યા અનુસાર અયોધ્યામાં રામ મંદિરની એક મહિના લાંબી ઉજવણીની શરૂઆત છે.
વિશ્વ હિન્દુ પરિષદના અમેરિકા ડીસી ચેપ્ટરના પ્રમુખ મહેન્દ્ર સાપાએ જણાવ્યું હતું કે હિંદુઓના 500 વર્ષના સંઘર્ષ પછી ભગવાન શ્રી રામ મંદિરનું ઉદ્ઘાટન થઈ રહ્યું છે. તેથી અમે લગભગ 1,000 અમેરિકન હિંદુ પરિવારો સાથે આવતા વર્ષે 20 જાન્યુઆરીએ વોશિંગ્ટન, ડીસી વિસ્તારમાં તેની ઐતિહાસિક ઉજવણીનું આયોજન કરી રહ્યા છીએ. આ ઉજવણીમાં રામ લીલા, શ્રી રામની વાર્તાઓ, શ્રી રામની હિંદુ પ્રાર્થનાઓ, ભગવાન શ્રી રામ અને તેમના ભજનનો સમાવેશ થશે.
સહ-આયોજક અને સ્થાનિક તમિલ હિંદુ નેતા પ્રેમકુમાર સ્વામીનાથને તમિલ ભાષામાં ભગવાન શ્રી રામની સ્તુતિ કરતું ગીત ગાયું હતું અને યુએસએમાં 20 જાન્યુઆરીની ઉજવણી તેમજ આવતા વર્ષે 22 જાન્યુઆરીએ અયોધ્યામાં વાસ્તવિક ઉદ્ઘાટન માટે તમામ પરિવારોને આમંત્રણ આપ્યું હતું. કાર રેલીના આયોજકે શ્રી રામના તમામ ભક્તોને મોટી કાર અને મોટરબાઈક રેલી સાથે અયોધ્યામાં રામ મંદિરના ઉદ્ઘાટનની ઉજવણી કરવા પ્રેરિત કર્યા હતા.
