ભારતનું ફોરેક્સ રીઝર્વ 2 જાન્યુઆરીએ પૂરા થયેલા સપ્તાહમાં 9.809 બિલિયન ડોલર ઘટીને 686.801 બિલિયન ડોલરે પહોંચ્યુ હતું. રીઝર્વ બેન્કે શુક્રવારે આ ડેટા જાહેર કર્યા હતા. અગાઉના સપ્તાહમાં વિદેશી હુંડિયામણ 3.293 બિલિયન ડોલર વધીને 696.61 બિલિયન ડોલર નોંધાયું હતું. 2 જાન્યુઆરીએ પૂરા થયેલા સપ્તાહમાં ફોરેન કરન્સી એસેટ્સ (FCA) 7.622 બિલિયન ડોલર ઘટીને 551.99 બિલિયન ડોલર થઈ હતી. ગોલ્ડ રીઝર્વ 2.058 બિલિયન ડોલર ઘટીને 111.262 બિલિયન ડોલર થયું હતું. ઇન્ટરનેશનલ મોનેટરી ફંડ સમક્ષ ભારતનું રીઝર્વ 10.5 કરોડ ડોલર ઘટીને 4.771 બિલિયન ડોલર થયું હતું. સ્પેશ્યલ ડ્રોઈંગ રાઈટ્સ 2.5 કરોડ ડોલર ઘટ્યું હતું.
