ભારતીય ક્રિકેટ કંટ્રોલ બોર્ડ (BCCI) વિરાટ કોહલીને ટેસ્ટ ક્રિકેટમાં નિવૃતિ ન લેવા માટે સમજાવવાના શક્ય તેટલાં પ્રયાસો કરી રહ્યું છે, પરંતુ આ પ્રયાસોના ઇચ્છિત પરિણામ મળ્યાં નથી. એક અહેવાલ મુજબ, વિરાટ કોહલી ક્રિકેટના આ સૌથી લાંબા ફોર્મેટમાંથી નિવૃત્તિ લેવા માટે ઉત્સુક છે અને તેને ભારતીય ક્રિકેટ કંટ્રોલ બોર્ડ (BCCI)ની પસંદગી સમિતિને આ અંગે જાણ કરી દીધી છે.
ભારતીય ક્રિકેટ ક્ષેત્રની એક અત્યંત પ્રભાવશાળી વ્યક્તિત્વને આ મામલે હસ્તક્ષેપ કરવા માટે કહેવામાં આવ્યું હોવાના અહેવાલ છે, પરંતુ એવું પણ જાણવા મળ્યું છે કે કોહલી પોતાનું વલણ બદલવા માંગતો નથી. ભારતીય આઇકોન પોતાનું મન બનાવી ચૂક્યું હોય તેવું લાગે છે.
બીસીસીઆઈએ આ બાબતે કોહલી સાથે વાતચીત કરી હોવાનું કહેવાય છે, જેમાં ભારતના અત્યંત બિનઅનુભવી મિડલ ઓર્ડરમાં તેની હાજરી કેટલી મહત્વપૂર્ણ છે તે દર્શાવવામાં આવ્યું છે, પરંતુ આ બેટ્સમેન પોતાનું મન બનાવી ચૂક્યો છે. કોહલીએ બે અઠવાડિયા પહેલા પસંદગીકારોને ટેસ્ટમાં નિવૃત્તિ લેવાની જાણ કરી હતી. જોકે પસંદગીદારો તેને ઇંગ્લેન્ડ સામેની ટેસ્ટ શ્રેણીમાં રમવા માટે મનાવવાનો પ્રયાસ કરી રહ્યા હતા.
