હિંદુ સંગઠનો વચ્ચે એકતા મજબૂત કરવા અને સનાતન ધર્મ સામેના દ્વેષ અને પક્ષપાતનો અસરકારક રીતે સામનો કરવાના સંકલ્પ સાથે ત્રણ દિવસીય વિશ્વ હિંદુ કોંગ્રેસનું રવિવાર, 26 નવેમ્બરે બેંગકોકમાં સમાપન થયું હતું. આગામી વર્લ્ડ હિન્દુ કોંગ્રેસ 2026માં મુંબઈમાં યોજવાની આયોજકોએ જાહેરાત કરી હતી.
આયોજકોના જણાવ્યા અનુસાર 61 દેશોના 2,100થી વધુ પ્રતિનિધિઓએ સંમેલનમાં હાજરી આપી હતી, જેનું ઉદ્ઘાટન શુક્રવારે આરએસએસ વડા મોહન ભાગવતે કર્યું હતું. આધ્યાત્મિક નેતા માતા અમૃતાનંદમયી દેવીએ રવિવારે સમાપન સંબોધન કર્યું હતું.
આરએસએસના વડાએ વિશ્વભરમાં વસતા હિંદુઓને લોકો સાથેના તેમના સંબંધોને મજબૂત કરવા ભાવુક અપીલ કરી હતી. તેમણે કહ્યું કે હિંદુ ધર્મ શાંતિ અને સુખનો માર્ગ ખોલે છે અને સમગ્ર માનવતાને તમામ જીવોના અસ્તિત્વનો આત્મા માને છે.
વર્લ્ડ હિન્દુ કોંગ્રેસના સ્થાપક સ્વામી વિજ્ઞાનાનંદે જણાવ્યું હતું કે કોવિડ રોગચાળા દરમિયાન હિન્દુઓ સુધી પહોંચવાની પ્રક્રિયા ધીમી પડી ગઈ હતી. અમે હવે પ્રક્રિયાને પુનર્જીવિત કરી રહ્યા છીએ.
ડબ્લ્યુએચસી દરમિયાન સમાંતર સત્રોમાં પ્રતિનિધિઓએ વિદેશમાં ચૂંટાયેલા હિંદુ જનપ્રતિનિધિઓને ચૂંટણઈમાં સમર્થન આપવાનો પણ સંકલ્પ કર્યો હતો. પ્રતિનિધિઓને નરમ અને સખત લાડુનું અનોખું વિતરણ કરીને હિંદુ એકતાનો સંદેશ ઘરે-ઘરે પહોંચાડવામાં આવ્યો હતો. લાડુના બોક્સ પર સંદેશ હતો કે કમનસીબે હાલમાં હિંદુ સમાજ નરમ લાડુ જેવો લાગે છે જેને સરળતાથી ટુકડાઓમાં તોડી શકાય છે અને પછી સરળતાથી ગળી શકાય છે. બીજી તરફ એક મોટો સખત લાડુ મજબૂત રીતે બંધાયેલો અને એકીકૃત હોય છે અને તેને ટુકડા કરી શકાતો નથી. હિન્દુ સમાજ એક મોટા કઠણ લાડુ જેવો હોવો જોઈએ. સમાજ તોડવો ખૂબ જ મુશ્કેલ બને ત્યારે જ પ્રતિકૂળ શક્તિઓ સામે પોતાનો બચાવ કરવામાં સક્ષમ હશે.
થાઈલેન્ડની રાજધાનીમાં આ સંમેલનનું સમાપન હિંદુ સંગઠનો વચ્ચે એકતા મજબૂત કરવાના સંકલ્પ સાથે અને સનાતન ધર્મ સામેના દ્વેષ અને પક્ષપાતનો અસરકારક રીતે સામનો કરવાના સંકલ્પ સાથે થયું હતું.
