ભારતના વડાપ્રધાન નરેન્દ્ર મોદીએ તેમની અમેરિકાની મુલાકાત દરમિયાન ગુરુવારે અમેરિકાના ટોચના પાંચ ચીફ એક્ઝિક્યુટિવ ઓફિસર (સીઇઓ) સાથે વન-ટુ-વન બેઠક યોજી હતી. મોદીએ આ બેઠકોમાં ડ્રોન, 5G, સેમિ કન્ડકટર અને સોલર એનર્જી સહિતના સંખ્યાબંધ મુદ્દા પર કોર્પોરેટ વડા સાથે ચર્ચાવિચારણા કરી હતી. મોદીએ ભારતમાં વિપુલ તક હોવાનું જણાવીને આ સીઇઓને ભારતમાં રોકાણ કરવાનું પ્રોત્સાહન આપ્યું હતું.
ભારતના વડાપ્રધાન નરેન્દ્ર મોદી વોશિંગ્ટનમાં 23 સપ્ટેમ્બર 2021ના રોજ જનરલ એટોમિક્સના ઇન્ડિયન અમેરિકન સીઇઓ વિવેક લાલને મળ્યા હતા. (IMAGE PROVIDED BY PMO ON THURSDAY, SEPT. 23, 2021 (PTI Photo)ઇન્ડિયન અમેરિક વિવેક લાલ જૂન 2020માં જનરલ એટોમિક્સના સીઇઓ બન્યાં હતા. મોદી અને લાલે ડ્રોન ટેકનોલોજીમાં ભારતના પ્રયાસોની ચર્ચા કરી હતી.

યુકે અને કોવિડ-19 રોગચાળામાંથી સાજા થઇ રહેલા દેશમાં મૂળભૂત પરિવર્તન હેઠળ આવતા હેલ્થ એન્ડ સોશ્યલ કેર લેન્ડસ્કેપમાં દેશની કોમ્યુનિટી ફાર્મસી મુખ્ય ભૂમિકા ભજવશે. જો કે, જરૂરી સેવાઓના ઉચ્ચ માપદંડો અને દર્દીઓની વધતી માંગ સાથે મેળ ખાવા માટે, ફાર્મસીઓએ એકીકરણ અને નવીનતમ પ્રક્રિયાઓ વધારવાની જરૂર પડશે, એમ 21 સપ્ટેમ્બરને મંગળવારે અને તે પછી 23ને ગુરૂવારે ઓનલાઇન યોજાયેલી છઠ્ઠી એન્યુઅલ ફાર્મસી બિઝનેસ કોન્ફરન્સમાં મહેમાનો અને પેનલિસ્ટોએ જણાવ્યું હતું.
બે સાંજ સુધી વિસ્તરેલી આ કોન્ફરન્સની અધ્યક્ષતા ફાર્મસી કમ્પ્લીટ એસોસિયેટ ડિરેક્ટર માઈકલ હોલ્ડન દ્વારા કરવામાં આવી હતી અને ઇન્ટરનેશનલ ફાર્માસ્યુટિકલ ફેડરેશન (એફઆઈપી)ના મુખ્ય કાર્યકારી અધિકારી ડૉ. કેથરિન ડગ્ગન, એનએચએસ ઈંગ્લેન્ડ અને એનએચએસ ઈમ્પ્રૂવમેન્ટ માટે પ્રાયમરી કેરના મેડિકલ ડાયરેક્ટર ડૉ. નિકિતા કાનાણી, એનએચએસ ઇંગ્લેન્ડ અને એનએચએસ ઇમ્પ્રૂવમેન્ટમાં ફાર્મસી ઇન્ટિગ્રેશનના વડા એન જોશુઆ અને હેપ્પીનેસ એન્ડ ટેકનોલોજી હેલ્થ ડિસ્પેન્સરીના ડિરેક્ટર અલી સ્પાર્કસે સંબોધન કર્યું હતું.

તપાસ એજન્સી એન્ફોર્સમેન્ટ ડાયરેક્ટોરેટ (ઇડી)એ મંગળવારે જણાવ્યું હતું કે UPPCL મની લોન્ડરિંગ કેસમાં દિવાન હાઉસિંગ ફાયનાન્સ લિમિટેડ (DHFL)ના ભૂતપૂર્વ પ્રમોટર્સ કપિલ વાધવાન અને તેમના ભાઇ ધીરજની માલિકીની યુકે સ્થિત કંપનીની રૂ.578 કરોડની મિલકતો ટાંચમાં લીધી છે.
ટાંચમાં લેવાયેલી એસેટ WGC-UK મારફત વાધવાન પરિવારે બ્રિટનની કંપનીઓમાં કરેલા રોકાણના સ્વરૂપમાં છે તથા પ્રિવેન્શન ઓફ મની લોન્ડરિંગ એક્ટ (PMLA) હેઠળ કામચલાઉ ઓર્ડર ઇશ્યુ કરવામાં આવ્યો છે. ઇડીએ એક નિવેદનમાં જણાવ્યું હતું કે આ એસેટનું મૂલ્ય 57 મિલિયન પાઉન્ડ અથવા રૂ.578 કરોડ છે. યસ બેન્કમાં કથિત લોન કૌભાંડ અને મની લોન્ડરિંગ કેસના સંદર્ભમાં વાધવાન ભાઇઓ હાલમાં જેલમાં છે.

ભારતીય ઉદ્યોગસાહસિક રજનીશ ગરીબે દ્વારા સ્થાપિત અને સ્ટાફ ન હોય તેવી ચાર બ્રિટિશ કંપનીઓના ગૃપને એક જ મહિનામાં £40 મિલિયન સુધીની ફર્લો પગારની રોકડ રકમ ચૂકવવામાં આવી હોવાનું બહાર આવ્યું છે. આ કંપનીઓએ આ વર્ષે મે મહિનામાં દરેકે £5 મિલિયન અને £10 મિલિયનની રકમનો દાવો કર્યો હતો.
ચોંકાવનારી વાત એ છે કે આ કંપનીઓના ‘યુરોપીયન કોર્પોરેટ હેડક્વાર્ટર’નું ઇસ્ટ લંડનમાં વર્ચ્યુઅલ મેઇલબોક્સ હોવાનું બહાર આવ્યું છે. ટ્રેઝરીએ આ કંપનીઓની અસ્પષ્ટ અથવા અસ્તિત્વ ધરાવતી વેબસાઇટ્સ અને કોઈ વાસ્તવિક સ્ટાફના પુરાવા ન હોવા છતાં તેની કોરોનાવાયરસ જોબ રીટેન્શન સ્કીમમાંથી ફર્લો પગારની રકમ ચૂકવી હતી.

ભારત સરકાર સંચાલિત ગવર્મેન્ટ ઇ માર્કેટપ્લેસ (GeM)ને સીઆઇપીએસ (CIPS) એક્સેલેન્સ ઇન પ્રોક્યોરમેન્ટ એવોર્ડ્ઝ 2021 (CIPS)માં ‘ડિજિટલ ટેકનોલોજીના શ્રેષ્ઠ ઉપયોગ’ કેટેગરીમાં વિજેતા જાહેર કરવામાં આવી છે.
જીઇપી, જગુઆર લેન્ડ રોવર, રોયલ ડચ શેલ, વેનડિજિટલ અને શેલ સહિતની જાહેર તેમ જ ખાનગી ક્ષેત્રની વૈશ્વિક રીતે મોટી તથા સર્વશ્રેષ્ઠ નામવાળી પ્રોક્યોરમેન્ટ કંપનીઓ સાથે હરિફાઇ કરીને GeM આ કેટેગરીમાં વિજેતા બની છે. GeMની પસંદગી બે અન્ય કેટેગરી- ‘પબ્લિક પ્રોક્યોરમેન્ટ પ્રોજેક્ટ ઓફ ધ યર’ અને ‘બેસ્ટ ઇનિશિયેટિવ ટુ બિલ્ડ અ ડાઇવર્સ સપ્લાય બેઝ’માં પણ અંતિમ નામ તરીકે કરવામાં આવી હતી. લંડનમાં 22 સપ્ટેમ્બરે જે ડબલ્યુ મેરિઅટ ગ્રોવેનર હાઉસ ખાતે આયોજિત એક સમારંભમાં ઇન્ડિયન હાઇ કમિશનના ફર્સ્ટ સેક્રેટરી (ઇકોનોમિક) રોહિત વઢવાણાએ GeM વતી આ એવોર્ડ સ્વીકાર્યો હતો.

કંગના બનશે સીતા

કંગના રનૌતે ફરીથી એક ફિલ્મમાં ચેલેન્જિંગ ભૂમિકા સ્વીકારી છે. તે સીતા-એક અવતાર ફિલ્મમાં મુખ્ય ભૂમિકામાં જોવા મળશે. ફિલ્મના ડાયરેક્ટર અલૌકિક દેસાઇએ આ વાતની પુષ્ટિ સોશિયલ મીડિયા પર કંગનાની એક તસવીર પોસ્ટ કરીને આપી છે. છેલ્લા થોડા સમય અગાઉ આ ભૂમિકા માટે કરીના કપૂરનું નામ ચર્ચામાં હતું.
તેણે આ ફિલ્મમાં કામ કરવા માટે ફી પેટે રૂ. 12 કરોડની માગણી કરી હતી તેવું કહેવાય છે. જોકે, હવે ખુદ ફિલ્મના ડાયરેક્ટરે કંગનાના નામની જાહેરાત કરતા ભૂમિકા કોણ ભજવશે તે બાબતે પૂર્ણવિરામ મુકાઇ ગયું છે. અલૌકિકે લખ્યું હતું કે, હું ફિલ્મ સીતાના એક અવતારમાં સીતાના રોલમાં કંગનાને ફિલ્મમાં દર્શાવવા ઉત્સાહિત છું. અમારી આ પવિત્ર યાત્રા આપણી પૌરાણિક કથાઓને જોવાની દૃષ્ટિ બદલાવશે તેવી મને આશા છે.

લતા મંગેશકરે ખોલ્યું 42 વર્ષ જુનું રહસ્ય

હેમામાલિની અભિનેત્રીની સાથે સાથે એક શાસ્ત્રીય નૃત્યાંગના તરીકે પણ દેશ-વિદેશમાં જાણીતી છે. તેની કૃષ્ણ ભક્તિ પણ જગજાહેર છે અને તે મથુરાથી ભાજપનાં સાંસદ પણ છે. આ કારણે જ તાજેતરમાં જન્માષ્ટમી વખતે તેણે પોતાની વર્ષ 1979ની ફિલ્મ ‘મીરા’સાથેના સંસ્મરણોને વાગોળ્યા હતા. ગુલઝાર આ ફિલ્મમાં હેમામાલિનીએ મુખ્ય ભૂમિકા ભજવવાની હતી. તેનું સંગીત લક્ષમીકાંત-પ્યારેલાલે આપવાનું હતું અને ગાયિકા લતા મંગેશકર હતા. આ બધું જાણ્યા પછી હેમામાલિની આ ફિલ્મમાં કામ કરવા અતિઉત્સાહી હતી. પરંતુ જ્યારે લતા મંગેશકરે આ ફિલ્મના ગીતો ગાવાની ના કહી ત્યારે હેમામાલિનીનો બધો ઉત્સાહ ઓસરી ગયો હતો.
હેમામાલિનીએ આ અંગે જણાવ્યું હતું કે, ગુલઝાર સાહેબની ‘મીરા’માં કામ કરવું એ મારા માટે સ્વપ્ન સાકાર થવા સમાન હતું. આમ, પણ હું કૃષ્ણ ભક્ત છું. અને હું હમેશાં એમ જ ઇચ્છતી કે મારા ગીત લતા મંગેશકર ગાય. પરંતુ જ્યારે તેમણે ‘મીરા’ના ગીતો ગાવાની ના કહી ત્યારે મેં વ્યક્તિગત રીતે તેમને ફોન કર્યો.

તબુની નવી ફિલ્મ

બોલીવૂડની પીઢ અભિનેત્રી ઘણા સમયથી ફિલ્મમાં ઓછી જોવા મળે છે. તાજેતરમાં તેણે એક ફિલ્મ સ્વીકારી છે. ફિલ્મમેકર વિશાલ ભારદ્વાજ એક નવી ફિલ્મ ખૂફિયાનું નિર્માણ કરવાનું આયોજન કરી રહ્યા છે. જેમાં નસીરુદ્દીન શાહ, કોંકણા સેન, અર્જુન કપૂર અને રાધિકા મદાનને સાઇન કર્યા છે. સૂત્રોના જણાવ્યા મુજબ આ એક્શન ડ્રામા ફિલ્મ માટે તબુને પણ સાઇન કરી છે. તેણે અગાઉ તબુની સાથે ‘મકબૂલ’ અને ‘હૈદર’માં કામ કર્યું હતું. તબુએ આ નવી ફિલ્મની સ્ટોરી સાંભળીને તરત જ તેણે તેને સ્વીકારી હતી.

પ્રિયંકા ચોપરાએ સોશિયલ મીડિયા પર કેમ માફી માગી?

અમેરિકામાં સ્થાયી થયા પછી પ્રિયંકા ચોપરા સોશિયલ મીડિયા પર વધુ સક્રિય રહે છે. તે પોતાની અને પતિ સાથેની અંગત તસવીરો પણ સોશિયલ મીડિયા પર પોસ્ટ કરતી હોય છે. જોકે આ વખતે પ્રિયંકા એક નવા વિવાદમાં સપડાઇ છે. પ્રિયંકા અમેરિકાના ટીવી શો ધ એક્ટિવિસ્ટમાં ભાગ લઇ રહી છે.
આ શોના વિષય પર વિવાદ થયો છે. મામલો એટલો બધો વધી ગયો છે કે પ્રિયંકાએ સોશિયલ મીડિયા પર એક લાંબી પોસ્ટ મુકીને માફી માગવી પડી છે. પ્રિયંકાએ લખ્યું છે કે, છેલ્લા થોડા અઠવાડિયામાં લોકોના વિરોધથી મને આશ્ચર્ય થયું છે. આ એક તાકાત સમાન બની ગયું છે. લોકોના એક વિરોધ માટે એકસાથે અવાજ ઉઠાવવાનું પ્રભાવ પાડતું જોવા મળ્યું છે અને આજે પણ આમ જ થયું છે.

વરુણ ધવનને ઇન્ટરનેશનલ વેબસીરિઝના પ્રોજેક્ટમાં કામ કરવાની ઓફર

યુવા અભિનેતા વરુણ ધવન ઇન્ટરનેશનલ વેબસીરિઝના પ્રોજેક્ટમાં કામ કરવાની ઓફર મળી છે. આ વેબસીરિઝનું નિર્માણ એવેન્જર્સવાળા રુસો બ્રધર્સ કરી રહ્યા છે. જેને રાજ અને ડીકે ડાયરેક્ટ કરશે. ઓરિજિનલ સિટાડેલ એક એકશન-એડવેન્ચર જાસૂસી સીરીઝ છે.
જેમાં પ્રિયંકા ચોપરા અને રિચર્ડ મેડેન કામ કરી રહ્યા છે, જેનું શૂટિંગ લંડનમાં થઇ રહ્યું છે. સિટાડેલ મેઇન સીરીઝ છે અને અન્ય સ્થાનીય ભાષાઓમાં તેની સેટેલાઇટ સીરીઝનો સમાવેશ કરવામાં આવશે.