પાકિસ્તાન આર્મી બેઝ પર મંગળારે થયેલા આત્મઘાતી બોમ્બ વિસ્ફોટમાં ઓછામાં ઓછા 23 સૈનિકોના મોત થયા હતા અને 27 સૈનિકો ઘાયલ થયા હતા. છ હુમલાખોરોની આત્મઘાતી ટુકડીએ વિસ્ફોટક ભરેલી ટ્રક લશ્કરી છાવણીમાં ઘુસાડી દીધી હતી. રાષ્ટ્રીય ચૂંટણીના બે મહિના કરતાં ઓછા સમય પહેલાં આર્મી પર થયેલો એક મોટો હુમલો છે.
પાકિસ્તાની તાલિબાન સાથે સંકળાયેલા આતંકવાદીઓ હુમલાની જવાબદારી સ્વીકારી હતી. વહેલી સવારના હુમલામાં અફઘાન સરહદ નજીક આવેલા ખૈબર પખ્તુનખ્વા પ્રાંતના ડેરા ઈસ્માઈલ ખાન જિલ્લામાં આવેલા આર્મી બેઝને નિશાન બનાવવામાં આવ્યો હતો.
એક અધિકારીએ જણાવ્યું હતું કે ઘણા લોકો ઊંઘતા હતા અને નાગરિક વસ્ત્રોમાં હતા ત્યારે માર્યા ગયા હતા તેથી અમે હજુ પણ નક્કી કરી રહ્યા છીએ કે શું તેઓ બધા લશ્કરી કર્મચારીઓ છે કે નહીં. વિસ્ફોટકોથી ભરેલા આત્મઘાતી વાહને શાળાની ઇમારતમાં વિસ્ફોટ કરતાં વધારાના 27 લોકો ઘાયલ થયા હતા. આ શાળાનો કામચલાઉ ધોરણે લશ્કરી થાણા તરીકે ઉપયોગ કરાતો હતો.ત્રણ રૂમ તૂટી પડ્યા હતા અને ખંડેરમાંથી મૃતદેહોને બહાર કાઢવાના પ્રયાસો ચાલુ હતા.
પાકિસ્તાન તાલિબાન સાથે સંકળાયેલા એક નવા જૂથે તહરીક-એ-જેહાદ પાકિસ્તાને જણાવ્યું હતું કે હુમલો સવારે 2:30 વાગ્યે આસપાસ શરૂ થયો હતો અને અન્ય લોકો કમ્પાઉન્ડ પર હુમલો કરે તે પહેલાં એક લડવૈયા દ્વારા “શહીદ હુમલા” સાથે શરૂ થયો હતો.
2021માં તાલિબાન સત્તા પર પાછા ફર્યા ત્યારથી, મુખ્યત્વે અફઘાનિસ્તાન સાથેના સરહદી વિસ્તારોમાં આતંકવાદી હુમલાઓમાં નાટ્યાત્મક વધારો જોવા મળ્યો છે.પાકિસ્તાન ઇન્સ્ટિટ્યૂટ ફોર કોન્ફ્લિક્ટ એન્ડ સિક્યોરિટી સ્ટડીઝ અનુસાર, 2023ના પહેલા ભાગમાં ગયા વર્ષની સરખામણીમાં હુમલાઓમાં લગભગ 80 ટકાનો વધારો જોવા મળ્યો હતો.
