ઘણી ટીવી અભિનેત્રીઓ ટીવી પડદે દુર્ગા માતાની ભૂમિકા ભજવીને લોકપ્રિયતા મેળવી છે. આ યાદીમાં મૌની રોયથી લઈને સોનારિકા ભદોરિયા સુધીના અનેક નામ સામેલ છે.
કોયલ મલિક
બંગાળી અભિનેત્રી કોયલ મલિકે ટેલિવિઝન પર ઘણી વખત દેવી દુર્ગાની ભૂમિકા ભજવી છે. તેણે ઝી બંગાળ ચેનલના મહાલયા શોથી ટેલિવિઝનમાં પ્રવેશ કર્યો અને ઘણા વર્ષો સુધી દેવી દુર્ગાની ભૂમિકા ભજવી હતી.
પૂજા શર્મા
જાણીતી ટીવી અભિનેત્રી પૂજા શર્માએ નાના પડદા પર દેવી દુર્ગાની ભૂમિકા ભજવી હતી. તેણે મહાકાલી શૉમાં યાદગાર કામ કર્યું હતું. તે નવદુર્ગાના વિવિધ સ્વરૂપમાં જોવા મળી હતી.
રતિ પાંડે
અભિનેત્રી રતિ પાંડેએ “દેવી આદિ પરાશક્તિ” સીરિયલમાં દેવી દુર્ગાની ભૂમિકા ભજવી હતી. તેના અભિનયની લોકોએ ખૂબ પ્રશંસા કરી હતી.
આકાંક્ષા પુરી
આકાંક્ષા પુરીએ ટીવી સીરિયલ ‘વિઘ્નહર્તા ગણેશ’ માં કામ કરીને દર્શકોને ચોંકાવ્યા હતા. તેણે દેવી પાર્વતીની ભૂમિકા ભજવી હતી. તે ઘણી વખત દેવી દુર્ગા અને દેવી કાલીની ભૂમિકાઓમાં પણ જોવા મળી હતી. તેણે આ પાત્રો ભજવીને ઘણી લોકપ્રિયતા મેળવી હતી.
મૌની રોય
જાણીતી અભિનેત્રી મૌની રોયનો પણ આ યાદીમાં સમાવેશ થાય છે. તે ‘દેવો કે દેવ મહાદેવ’ માં જોવા મળી હતી. તેણે આ શોમાં દેવી સતીની ભૂમિકા ભજવી હતી. આ ઉપરાંત તેણે અનેકવાર દેવી દુર્ગાનું પાત્ર પણ ભજવ્યું હતું.
સોનારિકા ભદોરિયા
ટીવી અભિનેત્રી સોનારિકા ભદોરિયા દેવી દુર્ગાના પાત્રમાં એકદમ અનુકૂળ જણાઇ હતી. લોકો આજે પણ તેને એ ભૂમિકા માટે યાદ કરે છે. આ ઉપરાંત તે ‘દેવો કે દેવ મહાદેવ’માં જોવા મળી હતી.
ઇન્દ્રાણી હલ્દર
નેશનલ એવોર્ડથી સન્માનિત અભિનેત્રી ઇન્દ્રાણીએ દૂરદર્શનના “મહાલય” માં દેવી દુર્ગાની ભૂમિકા ભજવી હતી. તેણે 2017માં ઝી બાંગ્લાના “મહાલય” માં શક્તિશાળી દેવીના છ અવતાર પણ ભજવ્યા હતા.
પૂજા બેનર્જી
પૂજાએ ટીવી શો “દેવો કે દેવ મહાદેવ”માં પાર્વતીની ભૂમિકા ભજવી હતી. જ્યારે સોનારિકાએ આ શો છોડ્યો હતો ત્યારે પૂજાએ તેનું સ્થાન લીધું હતું. તેણે ‘જગ જનની મા વૈષ્ણોદેવી’ માં માતા વૈષ્ણોદેવીની ભૂમિકા પણ ભજવી હતી.
