HMRCના તાજેતરના ડેટામાં જણાવ્યા પ્રમાણે, કન્ટિન્યુમને આપવામાં આવેલી અધિકૃત (ફ્રીડમ ઓફ ઇન્ફર્મેશન) માહિતી મુજબ, 2011થી વિવિધ પ્રકારની ભેટ પર IHT ચૂકવનારાઓની સંખ્યામાં પણ 120 ટકાથી વધુનો વધારો નોંધાયો છે, જેમાં 2020-21માં 1300 લોકોએ ટેક્સ ચૂકવ્યો હતો. ટેક્સના માટેના વર્ષ 2011-12માં વિવિધ ભેટ પર IHT ચૂકવનારાઓએ સરેરાશ 171,186 પાઉન્ડ ચૂકવ્યા હતા. 2020-21ના ટેક્સ વર્ષમાં આ આંકડો વધીને 196,923 પાઉન્ડ નોંધાયો હતો.
કન્ટિન્યુમના ચાર્ટર્ડ ફાઇનાન્સિયલ પ્લાનર બેન એલ્કોકે જણાવ્યું હતું કે, ‘ઘણા કલાયન્ટના પરિવારો પર મોંઘવારીની ભારે અસર થઇ રહી છે, અને તેમાંથી ઘણા તેમના સ્વજનોને મદદ કરવા માટે મોટી ભેટ આપવાનું વિચારી રહ્યા હશે. જોકે, ફાયનાન્સિયલ એડવાઇઝર્સે એ જાણવું જરૂરી છે કે, તેમના ક્લાયન્ટસ જુદી જુદી મોટી ભેટ આપવાથી થતી ટેક્સની સંભવિત અસરોથી માહિતગાર છે કે નહીં. જ્યારે તમે જીવિત છો ત્યારે નાણા આપવાથી તમારી મિલકત-મૂડીમાંથી રકમ ઘટી શકે છે, પરંતુ સરકાર આ મુદ્દે હોંશિયાર છે. તમારા ક્લાયન્ટસે સાવચેત રહેવાની જરૂર છે, નહીં તો તેઓ સરકારને મોટો ટેક્સ ભેટમાં આપી શકે છે. IHT જટિલ હોવાથી તમારે એવું ન માનવું જોઈએ કે તમારા ક્લાયન્ટ્સ નિયમો જાણે છે. નિયમોની ગૂંચવણમાંથી તેમને બહાર નીકાળવાથી માત્ર ટેક્સનું ભારણ ઘટાડવામાં જ મદદ મળશે નહીં, પરંતુ તમારા ક્લાયન્ટસ અને તેમના સ્વજનોમાં તમારું મહત્ત્વ સાબિત કરવાનો એક સારો વિકલ્પ પણ બની શકે છે.’ સાત વર્ષના નિયમનો અર્થ એ થાય કે, તમે નોકરી-ધંધા, મિલકત, પેન્શન, વ્યાજ અને ડિવિડન્ડમાંથી વધારાની આવક આપી શકો છો. આ સાત વર્ષનો નિયમ વધારાની આવકમાંથી આપેલી ભેટ પર લાગુ પડતો નથી. આ નિયમ કોઈપણ ટેક્સપેયરને IHT દ્વારા ઝડપાયા વગર અમર્યાદિત રકમનું દાન કરવાની મંજૂરી આપે છે, એટલે કે જ્યાં સુધી જે નાણા મૂડીમાંથી નહીં, પણ આવકમાંથી મળે છે તે આપી શકાય છે.
