મેઇનના ફીજીશીયન્સ, નર્સો, પેરામેડિક્સ, મનોવૈજ્ઞાનિકો અને પબ્લિક હેલ્થ એક્સપર્ટ્સ સહિતના ડઝનબંધ હેલ્થ કેર પ્રોફેશનલ્સે ગવર્નર માટેના પ્રચારમાં ડૉ. નીરવ શાહને સમર્થન આપ્યું હોવાની 12 ફેબ્રુઆરી 2026ના રોજ તેમની ટીમ દ્વારા જાહેરાત કરવામાં આવી હતી. તેમાંથી ઘણા લોકોએ વર્ષોથી ગ્રામીણ અને વંચિત સમુદાયોની સેવા કરી છે.
મેઈનની પ્રાયમરી ઇલેક્શન 9 જૂન 2026ના રોજ યોજાવાની છે, જેમાં ડૉ. શાહ છ અન્ય ડેમોક્રેટ્સ સામે સ્પર્ધા કરશે, જ્યારે 10 રિપબ્લિકન તેમના પક્ષના નોમીનેશન માટે અરજી કરી રહ્યા છે.
સમર્થકોએ કહ્યું કે મેઇનને હેલ્થરકેર પ્રણાલીનો પ્રત્યક્ષ અનુભવ ધરાવતા ગવર્નરની જરૂર છે. તેમણે ડૉ. શાહને કર્મચારીઓની અછત, હેલ્થકેરની પહોંચ અને દર્દીઓ અને પ્રદાતાઓનો સામનો કરી રહેલા પ્રણાલીગત દબાણને દૂર કરવા માટે લાયક ગણાવ્યા હતા.
એક સમર્થક, ડૉ. ગેરેટ ફોન્ટેને કહ્યું કે શાહની કારકિર્દીએ હેલ્થકેરને “વધુ સુલભ અને વધુ માનવીય” બનાવવાની પ્રતિબદ્ધતા દર્શાવી હતી.
ડૉ. શાહ અગાઉ જેનેટ મિલ્સ દ્વારા નિયુક્ત થયા બાદ મેઇન સેન્ટર ફોર ડિસીઝ કંટ્રોલ એન્ડ પ્રિવેન્શનના ડિરેક્ટર તરીકે સેવા આપી હતી. કોવિડ-19 રોગચાળા દરમિયાન, તેમણે પ્રારંભિક પ્રતિભાવોનું નેતૃત્વ કર્યું હતું અને સીક્યોર્ડ પ્રોટેક્ટીવ ઇક્વીપમેન્ટ સુરક્ષિત કરવામાં અને રાષ્ટ્રીય સ્તરે માન્યતા પ્રાપ્ત વેક્સીન રોલઆઉટ સ્થાપિત કરવામાં મદદ કરી હતી. બાદમાં તેઓ જો બાઇડેનના નેતૃત્વ હેઠળ સેન્ટર્સ ફોર ડીસીઝ કંટ્રોલ એન્ડ પ્રિવેન્શનના પ્રિન્સીપલ ડેપ્યુટી ડાયરેક્ટર બન્યા હતા.
રૂરલ વિસ્કોન્સિનમાં જન્મેલા, ડૉ. શાહે શિકાગો યુનિવર્સિટીમાં અભ્યાસ કર્યો હતો અને હવે કોલ્બી કોલેજમાં ભણાવે છે.
