ઈન્ડિયન પ્રીમિયર લીગ (IPL) 2026ની શનિવાર 4 એપ્રિલે રમાયેલી મેચમાં ગુજરાત ટાઇટન્સનો રાજસ્થાન રોયલ્સ સામે 6 રન પરાજ્ય થયો હતો. આ ટુર્નામેન્ટમાં ગુજરાતની ટીમનો આ બીજો પરાજ્ય હતાં. ગુજરાત ટાઈટન્સને વિજય માટે 211 રન બનાવવાના હતાં, પરંતુ તે 8 વિકેટ પર માત્ર 204 રન જ બનાવી શકી હતી. રાજસ્થાન રોયલ્સની આ સીઝનમાં આ સતત બીજી જીત હતી. ગુજરાત ટાઈટન્સની આ સીઝનની શરૂઆત ખરાબ રહી છે અને પ્રથમ મેચમાં પણ પંજાબ કિંગ્સ (PBKS) સામે પરાજય થયો હતો.
આ મેચ છેલ્લી ઓવર રોમાંચક રહી બની હતી. ગુજરાત ટાઈટન્સને છેલ્લી ઓવરમાં જીત માટે 11 રન બનાવવાના હતાં. પરંતુ ફાસ્ટ બોલર તુષાર દેશપાંડેએ આ ઓવરમાં માત્ર 4 રન આપ્યા અને કેપ્ટન રાશિદ ખાનની વિકેટ પણ લીધી હતી.
મોટા ટાર્ગેટનો પીછો ગુજરાતની શરૂઆત મજબૂત રહી હતી. કુમાર કુશાગ્ર અને સાઈ સુદર્શને પ્રથમ વિકેટ માટે 78 રનની ભાગીદારી કરી હતી. સુદર્શને 44 બોલમાં 73 રન બનાવ્યા હતાં. જોસ બટલરે 26 રન બનાવ્યાં હતાં. ગુજરાત ટાઈટન્સનો સ્કોર 161/7 થઈ ગયોહતો. આ પછી કાગીસો રબાડાએ 23 રન અણનમ અને રાશિદ ખાન 24 રન બનાવીને મેચનો રોમાંચક બનાવી હતી.
અગાઉ પ્રથમ બેટિંગ કરતાં રાજસ્થાન રોયલ્સે 6 વિકેટ પર 210 રન બનાવ્યા હતાં.વૈભવ સૂર્યવંશીએ 18 બોલમાં 31 રન બનાવ્યાં હતાં. યશસ્વી જયસ્વાલે 36 બોલમાં 55 રન બનાવ્યા હતાં.જોકે કેપ્ટન રિયાન પરાગ (8 રન), શિમરોન હેટમાયર (18 રન) અને ડોનોવન ફરેરા (1 રન) બેટિંગથી કંઈ ખાસ કમાલ ન કરી શક્યા ન હતાં. ધ્રુવ જુરેલે 42 બોલમાં 75 રન બનાવ્યા હતાં. આ મેચમાં રાશિદ ખાને ગુજરાત ટાઈટન્સની કમાન સંભાળી હતી.
