ડોલર સામે રૂપિયામાં 12 વર્ષનો સૌથી મજબૂત એક દિવસીય 156 પૈસાનો ઊછાળો તાજેતરમાં નોંધાયો હતો અને 93.10 પર બંધ રહ્યો હતો. રીઝર્વ બેન્કના કડક પગલાંને કારણે એક તબક્કે અમેરિકન કરન્સી સામે 92.82 સુધી સુધર્યો હતો, જે ગત્ સોમવારે એક સમયે 95ની સપાટીની નીચે સરક્યો હતો. રૂપિયામાં ઝડપી રિકવરીને કારણે એફપીઆઇની વેચવાલીનું દબાણ ઘટ્યું હતું, જેના કારણે શેરબજારમાં પણ નીચલા સ્તરથી ઝડપી સુધારો થયો હતો. જાણકારોના મત મુજબ, બેંકો પર RBI દ્વારા નિયમનકારી નિયંત્રણોને કારણે રૂપિયામાં 12 વર્ષમાં સૌથી મોટો એક દિવસીય વધારો નોંધાયો છે. જોકે, વૈશ્વિક જોખમ-બંધ ભાવનાઓ અને ક્રૂડ ઓઇલના વધતા ભાવ રૂપિયા પર ઊંચા સ્તરે દબાણ ચાલુ રાખી શકે છે, USD-INR સ્પોટ ભાવ ₹92.20 થી ₹93.20 ની રેન્જમાં વેપાર કરે તેવી અપેક્ષા છે.
