ભારતમાં ક્રિકેટની લોકપ્રિયતાને અન્ય કોઈ બાબત સાથે સરખાવી શકાય તેમ નથી. ક્રિકેટ પર બનેલી ફિલ્મો મોટાભાગે બોક્સઓફિસ પર કમાલ કરી જાય છે. મીડીયા રિપોર્ટ્સ મુજબ, ક્રિકેટ પર બની રહેલી એક ફિલ્મમાં અભિષેક બચ્ચન કોચનો રોલ કરવાના છે. આ ફિલ્મમાં તેની સાથે સૈયામી ખેર અને શબાના આઝમી પણ જોવા મળશે. આ ફિલ્મના ડાયરેક્ટર આર. બાલ્કી છે, જોકે ફિલ્મ અંગે કોઇ અધિકૃત જાહેરાત થઇ નથી.
અગાઉ ગુરુ ફિલ્મમાં બિઝનેસ ટાયકૂનનો રોલ કરનારા અભિષેકે ક્રિકેટર કે કોચનો રોલ ક્યારેય કર્યો નથી. પ્રથમવાર તે આ રોલમાં જોવા મળે તેવી શક્યતા છે. શાહિદ કપૂરની જર્સી અને અનુષ્કા શર્માની ચકદા એક્સ્પ્રેસ (ઝૂલન ગોસ્વામીની બાયોપિક) તથા તાપસી પન્નુની શાબાશ મીઠુ (મિતાલી રાજની બાયોપિક) આ વર્ષે જ રિલિઝ થવાની છે. અભિષેક બચ્ચન છેલ્લે ચિત્રાંગદા સિંઘ સાથે બોબ બિસ્વાસમાં જોવા મળ્યા હતા.
યામી ગૌતમ અને નિમરત કૌર સાથે તે દસવીંમાં નજર આવશે. અભિષેક હાલ વેબ સિરિઝ બ્રીધની નવી સિઝન માટે કામ કરી રહ્યા છે. નિત્યા મેનન અને અમિત સાધ સાથે ઓક્ટોબર 2021મા સિરિઝનું શૂટિંગ શરૂ થયું હતું.
