ભારતીય મૂળના અરવિંદ શ્રીનિવાસની આગેવાની હેઠળની AI કંપની પરપ્લેક્સિટીએ ગૂગલના ક્રોમ બ્રાઉઝરને ખરીદવા માટે મંગળવારે 34.5 બિલિયન ડોલરની જંગી ઓફર કરીને કોર્પોરેટ જગતમાં ખળભળાટ ફેલાવાવ્યો હતો.આ કંપનીએ જાન્યુઆરીમાં TikTok US માટે પણ આવી જ ઓફર કરી હતી. આ ઓફરમાં TikTokની ચાઇનીઝ માલિકી અંગે યુ.એસ.ની ચિંતાઓને દૂર કરવા માટે લોકપ્રિય શોર્ટ-વિડિયો એપ્લિકેશન સાથે મર્જ કરવાની ઓફર કરવામાં આવી હતી.
અરવિંદ શ્રીનિવાસનું ત્રણ વર્ષ જૂના આ સ્ટાર્ટ-અપનું વેલ્યુએશન માત્ર 18 અબજ ડોલર છે, પરંતુ તેને 34.5 બિલિયન ડોલરના રોકડ સોદામાં ક્રોમ બ્રાઉઝર ખરીદવાની સાહસિક બિડ કરી છે.
ઓપનએઆઈ, યાહૂ અને ખાનગી-ઇક્વિટી ફર્મ એપોલો ગ્લોબલ મેનેજમેન્ટે પણ ક્રોમમાં રસ દર્શાવ્યો છે કારણ કે નિયમનકારી દબાણને કારણે ગુગલની ઉદ્યોગ પરની પકડ જોખમમાં મુકાઈ છે.
ક્રોમ વિશ્વભરમાં ત્રણ અબજથી વધુ યુઝર્સ ધરાવે છે, તેથી એઆઇ આધારિત સર્ચ એન્જિનમાં પ્રભુત્વ માટેની તીવ્ર રેસ ચાલે છે ત્યારે ક્રોમ એક મહત્ત્વની એસેટ છે. પરપ્લેક્સિટીના ચીફ બિઝનેસ ઓફિસર દિમિત્રી શેવેલેન્કોએ જણાવ્યું હતું કે મોટી સંખ્યામાં મોટા ઇન્વેસ્ટમેન્ટ ફંડ્સ આ ટ્રાન્ઝેક્શન માટે ફાઇનાન્સ કરવા સંમત થયા છે. કંપનીએ એનવીડિયા અને જાપાનની સોફ્ટબેન્ક સહિતના મુખ્ય રોકાણકારો પાસેથી અત્યાર સુધીમાં લગભગ 1 અબજ ડોલર એકત્ર કર્યા છે.
પરપ્લેક્સિટીની ઓફર માત્ર 34.5 અબજ ડોલર સુધી સીમિત નથી. આ સ્ટાર્ટઅપે ક્રોમ ડેવલપમેન્ટ અને ઇન્ફ્રાસ્ટ્રક્ચર સુધારા માટે બે વર્ષમાં 3 અબજ ડોલરનું રોકાણ કરવાની પણ પ્રતિબદ્ધતા વ્યક્ત કરી છે.
પરપ્લેક્સિટીએ કરેલી આ ઓફરનો સમય પણ મહત્ત્વપૂર્ણ છે. અમેરિકામાં ફેડરલ જજે ગયા વર્ષે ચુકાદો આપ્યો હતો કે ગૂગલ ઇન્ટરનેટ સર્ચ ક્ષેત્રમાં ગેરકાયે મોનોપોલી ધરાવે છે. તેથી ગૂગલે તેની મોનોપોલીનો અંત લાવવા માટે ક્રોમનું વેચાણ કરવાની ફરજ તેવી શક્યતા છે. યુએસ ડિસ્ટ્રિકટ જજ અમિત મહેતા મોનોપોલી બદલ ગૂગલેને આગામી થોડા દિવસોમાં પેનલ્ટી ફટકારે તેવી શક્યતા છે.
