કોમેડિયન ભારતી સિંહ અને ટીવી શો હોસ્ટ હર્ષ લિંબાચિયા ફરીથી માતા-પિતા બન્યા છે. ભારતી સિંહએ શુક્રવારે સવારે એક પુત્રને જન્મ આપ્યો હતો. ભારતી તે દિવસે તેના જાણીતા ટીવી શો “લાફ્ટર શેફ્સ” ના શૂટિંગ માટે સેટ પર જવાની હતી.
પરંતુ સવારે, તેને અચાનક અસ્વસ્થતા અનુભવાઈ, અને થોડા જ સમયમાં તેની તબિયત વધુ ખરાબ થઈ ગઈ, જેના કારણે તેણીને હોસ્પિટલમાં લઈ જવી પડી. ત્યાં તેણે એક પુત્રને જન્મ આપ્યો હતો. સમયસર સારવાર મળવાને કારણે માતા અને બાળક બંને સુરક્ષિત હોવાનું કહેવાય છે.
પોતાના પ્રથમ પુત્ર ગોલાનું સ્વાગત કર્યા પછી, ભારતી અને હર્ષ ફરીથી માતા-પિતા બન્યા છે. લાફ્ટર શેફ્સના શૂટિંગ દરમિયાન જ્યારે પાપારાઝીએ કૃષ્ણા અને કાશ્મીરાને આ અંગે જણાવ્યું ત્યારે તેમણે બંનેને અભિનંદન આપ્યા હતા.
ઉલ્લેખનીય છે કે ભારતી સિંહ અને હર્ષ લિંબાચિયા પહેલાથી જ એક પુત્રના માતા-પિતા છે. તેમણે સ્વિત્ઝર્લેન્ડમાં તેમના પારિવારિક વેકેશન દરમિયાન ભારતી ફરીથી ગર્ભવતી હોવાનું તેમના ચાહકોને સોશિયલ મીડિયા દ્વારા જણાવ્યું હતું. થોડા દિવસો અગાઉ ભારતીએ તેનું મેટરનિટી ફોટોશૂટ સોશિયલ મીડિયામાં પોસ્ટ કર્યું હતું, જેમાં તે વાદળી સિલ્ક ગાઉનમાં જોવા મળી હતી. ફોટામાં તેનો આત્મવિશ્વાસ અને ખુશી જોવા મળતી હતી.
