અમેરિકાના ડલ્લાસ શહેરમાં બુધવારે એક મોટેલમાં કર્મચારી સાથે થયેલી દલીલ બાદ એક ભારતીય વ્યક્તિ પર છરી વડે હુમલો કરીને તેનું માથું કાપી નાખવામાં આવ્યું હતું. મૂળ કર્ણાટકના ચંદ્ર નાગમલ્લાહિયાએ 37 વર્ષીય યોર્ડાનિસ કોબોસ-માર્ટિનેઝને તૂટેલાં વોશિંગ મશીનનો ઉપયોગ ન કરવા કહ્યું હતું હતું ત્યારે આ ઘટના બની હતી. આનાથી કોબોસ-માર્ટિનેઝ નારાજ થયો હતો. નાગમલ્લાહિયાએ સીધા સંબોધવાને બદલે બીજા કર્મચારીને ભાષાંતર કરીને સૂચના આપવાનું કહેતા આરોપી રોષે ભરાયો હતો.
આરોપીએ છરી લઈને ૫૦ વર્ષીય વ્યક્તિ પર અનેક વાર હુમલો કર્યો હતો. નાગમલ્લૈયાએ પાર્કિંગમાંથી ફ્રન્ટ ઓફિસ તરફ ભાગવાનો પ્રયાસ કર્યો હતો, પરંતુ આરોપીઓએ તેનો પીછો કર્યો હતો.નાગમલ્લાહની પત્ની અને 18 વર્ષનો પુત્ર પણ ફ્રન્ટ ઓફિસમાંથી બહાર નીકળીને કોબોસ-માર્ટિનેઝને રોકવાનો પ્રયાસ કર્યો, પરંતુ તેને તેમને ધક્કો મારીને દૂર કર્યા હતાં. આરોપીએ તેમનું માથું કાપી નાખ્યું હતું અને તેના માથા પર લાત મારી દીધી હતી.
કોબોસ-માર્ટિનેઝ કપાયેલું માથું ઉપાડીને ડમ્પસ્ટરમાં લઈ જતો એક વીડિયો વાયરલ થયો હતો. તે લોહીથી લથપથ, છરી લઈને ડમ્પસ્ટર વિસ્તાર છોડી રહ્યો હતો ત્યારે તેની ધરપકડ કરાઈ હતી.
ભારતીય કોન્સ્યુલેટે નાગમલ્લૈયાના દુ:ખદ મૃત્યુ પર શોક વ્યક્ત કર્યો અને કહ્યું હતું કે તેમની કાર્યસ્થળ પર “નિર્દયતાથી હત્યા” કરવામાં આવી હતી. અમે પરિવારના સંપર્કમાં છીએ અને શક્ય તમામ સહાય આપી રહ્યા છીએ. આરોપી ડલ્લાસ પોલીસની કસ્ટડીમાં છે. અમે આ મામલાની નજીકથી તપાસ કરી રહ્યા છીએ.
કોબોસ-માર્ટિનેઝ પર મોતની સજાનો આરોપ મૂકવામાં આવ્યો હતો. તે હ્યુસ્ટનમાં ગુનાહિત ઇતિહાસ ધરાવતો હોવાનું બહાર આવ્યું હતું, જેમાં ઓટો ચોરી અને હુમલા માટે ધરપકડનો સમાવેશ થાય છે.
