અમદાવાદમાં યોજાયેલા ફિલ્મફેર એવોર્ડમાં ‘લાપતા લેડિઝ’ છવાઈ, અભિષેકને બેસ્ટ એક્ટરનો એવોર્ડ

અમદાવાદના કાંકરિયા લેક સ્થિત EKA એરેના ખાતે શનિવાર, 11 ઓક્ટોબરે યોજાયેલા 71મા ફિલ્મફેર એવોર્ડ્સ આમિર ખાનના પ્રોડક્શનમાં બનેલી ફિલ્મ, ‘લાપતા લેડિઝ’ છવાઈ ગઈ હતી. અભિનેતા અભિષેક બચ્ચન 25 વર્ષ પછી પ્રથમ ‘બેસ્ટ એક્ટર’નો એવોર્ડ મળ્યો હતો. જાજરમાન સમારંભનું સંચાલન શાહરૂખ ખાન, કરણ જોહર અને મનીષ પોલે સંચાલન કર્યું હતું.

આ સમારભમાં શાહરૂખ, કૃતિ સેનન, એસ અને કાજોલ સહિત અન્ય કલાકારોએ પર્ફોમન્સ આપ્યું હતું. લાપતા લેડીઝે શ્રેષ્ઠ ફિલ્મનો એવોર્ડ જીત્યો સાથે કુલ 13 ટ્રોફી જીતીને એક ફિલ્મ દ્વારા સૌથી વધુ એવોર્ડના રેકોર્ડની બરાબરી કરે છે. અગાઉ ગલી બોયએ કુલ 13 એવોર્ડ મળ્યાં હતાં. અભિષેક બચ્ચન અને કાર્તિક આર્યનને શ્રેષ્ઠ મુખ્ય અભિનેતાનો એવોર્ડ મળ્યો હતો, જ્યારે આલિયા ભટ્ટે શ્રેષ્ઠ અભિનેત્રીનો એવોર્ડ જીત્યો હતો. અભિષેકને આ એવોર્ડ શૂજિત સરકારની ‘આઇ વોન્ટ ટુ ટૉક’ માટે મળ્યો હતો. કાર્તિક આર્યનને ‘ચંદુ ચેમ્પિયન‘ માટે મળ્યો બેસ્ટ એક્ટરનો એવોર્ડ મળ્યો હતો. કાર્તિકે અગાઉ 2023માં ‘ભૂલ ભુલૈયા 2’ માટે એવોર્ડ જીત્યો હતો. આલિયા ભટ્ટને ‘જીગરા’ માટે બેસ્ટ એક્ટ્રેસનો એવોર્ડ મળ્યો હતો.. સંગીત અને મનોરંજનમાં યોગદાન બદલ ઝીનત અમાન અને શ્યામ બેનેગલ (મરણોત્તર), તથા સંગીતકાર અચિંત ઠક્કરને વિશેષ પુરસ્કારો અપાયા હતાં.

ગયા વર્ષની જેમ આ સમારોહનું આયોજન ગુજરાતમાં થયું હતું. શાહરૂખ ખાન, અક્ષય કુમાર, કરણ જોહર અને કાર્તિક આર્યન સહિત અનેક બોલિવૂડ સ્ટાર્સે અમદાવાદની સાંજને ખાસ બનાવી. 2024માં રિલીઝ થયેલી કેટલીક ફિલ્મોને ફિલ્મફેર એવોર્ડ્સથી સન્માનિત કરાઈ હતી.