રોશડેલમાં કથિત ઐતિહાસિક જાતીય ગુનાઓની ટ્રાયલ જ્યુરી સભ્યો દ્વારા ઉપયોગમાં લેવાયેલા વોટ્સએપ ગ્રુપના સંદેશાઓ પર ચિંતાઓ ઉભરી આવ્યા બાદ પડી ભાંગી હતી. ડિસેમ્બર 2025માં જ્યુરી સભ્યોને છૂટા કરવામાં આવ્યા તે પહેલાં માન્ચેસ્ટરમાં મિન્શુલ સ્ટ્રીટ ક્રાઉન કોર્ટમાં કાર્યવાહી લગભગ બે મહિનાથી ચાલી રહી હતી.
આ કેસમાં છ પુરુષોએ રોશડેલમાં ત્રણ છોકરીઓ સાથે સંબંધિત બળાત્કાર સહિતના ઐતિહાસિક આરોપોની શ્રેણીને નકારી કાઢી હતી. તેઓ હવે ઓગસ્ટમાં ફરીથી ટ્રાયલનો સામનો કરવાના છે. શરૂઆતમાં રિપોર્ટિંગ પ્રતિબંધોને કારણે જ્યુરીને છૂટા કરવાના કારણો જાહેર કરવામાં આવતા અટકાવ્યા હતા, પરંતુ હવે તે હવે હટાવી લેવામાં આવ્યા છે.
બચાવ પક્ષના બેરિસ્ટરોએ જાહેર કર્યું કે જ્યુરીઝે તેમના દ્વારા સ્થાપિત વોટ્સએપ ગ્રુપમાં “ગ્રુમિંગ ગેંગ” વિશે ટેલિવિઝન પ્રસારણ પર ચર્ચા કરી હતી તે પછી ટ્રાયલ અટકાવી દેવામાં આવી હતી. એક જ્યુરી સભ્યે જજને ચેતવણી આપી હતી જેના કારણે તપાસ શરૂ થઈ હતી.
વકીલોએ દલીલ કરી હતી કે જ્યુરી સભ્યોએ ન્યાયિક નિર્દેશોની વિરુદ્ધ સામગ્રી પર સંશોધન કર્યું હોવાની શક્યતા છે.
