ન્યૂયોર્કના પ્રતિષ્ઠિત મેટ્રોપોલિટન મ્યુઝિમ ઓફ આર્ટસ ખાતે 1860થી 1930 દરમિયાનના સંગ્રહોમાંથી લેવામાં આવેલા હિન્દુ દેવી-દેવતાઓના 100થી વધુ પ્રિન્ટેટ ચિત્રોનું એક વિશેષ પ્રદર્શન યોજાઈ રહ્યું છે.
મ્યુઝિયમ દ્વારા જારી કરાયેલા નિવેદન અનુસાર આ પ્રદર્શનનું શીર્ષક હાઉસહોલ્ડ ગોડ્સઃહિન્દુ ડિવોશનલ પ્રિન્ટ, 1860-1930 છે. આ પ્રદર્શન આ વર્ષે જાન્યુઆરીમાં શરૂ થયું હતું અને 27 જૂન 2027 સુધી ચાર રોટેશનમાં રજૂ કરાશે.
આ પદર્શનમાં ધ મેટના સંગ્રહમાંથી લેવામાં આવેલી 100થી વધુ કૃતિઓ રજૂ કરવામાં આવી છે, જેમાં છેલ્લાં દાયકા દરમિયાન મેળવવામાં આવેલી કલાકૃતિઓ પર વિશેષ ધ્યાન અપાયું છે. આ આધુનિક છાપકાપને અગાઉની પરંપરાગત ચિત્રકળાની કૃતિઓ સાથે સંવાદનમાં સ્વરૂપમાં પ્રસ્તુત કરાઈ છે. હાઉસહોલ્ડ ગોડ્સ પ્રદર્શન કોલકાતા, પુના અને મુંબઈના અગ્રણી સ્ટુડિયો પ્રેસ દ્વારા તૈયાર કરાયેલી ક્રોમોલિથોગ્રાાફિક પ્રિન્ટ્સનું પ્રથમ જ્ઞાાનકોશીય પ્રદર્શન છે.
મ્યુઝિયમે જણાવ્યું હતું કે આ મોટાપાયે ઉત્પાદિત પ્રિન્ટ્સ એ સમયની ભારતીય ધાર્મિક ઓળખ વ્યક્ત કરવાનું એક શક્તિશાળી માધ્યમ બની હતી, જ્યારે દેશ આઝાદીના આંદોલનની પ્રથમ લહેરનો અનુભવ કરી રહ્યો હતો. આ પ્રદર્શનમાં આશરે 120 કૃતિઓ છે, ચાર રોટેશનમાં બતાવવામાં આવશે.
