અમેરિકામાં ત્રાસવાદ વિરોધી તપાસના કામ માટે જાણીતી ભારતીય-અમેરિકન શોહિની સિન્હાની ઉટાહ રાજ્યમાં સોલ્ટ લેક સિટીમાં એફબીઆઈની ફિલ્ડ ઓફિસના ચાર્જમાં વિશેષ એજન્ટ તરીકે નિમણુંક કરાઈ છે.
સિન્હાએ તાજેતરમાં જ વોશિંગ્ટન ડીસીમાં એફબીઆઈ હેડક્વાર્ટર ખાતે ડાયરેક્ટરના એક્ઝિક્યુટિવ સ્પેશિયલ આસિસ્ટન્ટ તરીકે સેવા આપી હતી. તેમને એફબીઆઈના ડાયરેક્ટર ક્રિસ્ટોફર રે દ્વારા વિશેષ એજન્ટ તરીકે નિયુક્ત કરાયા હતા. ત્રાસવાદ વિરોધી તપાસ અને એજન્સીમાં વ્યાપક અનુભવ અંગે સિંહાનો અસાધારણ ટ્રેક રેકોર્ડ હોવાનું ડાયરેકટરે દર્શાવ્યું હતું.
2001માં એફબીઆઈમાં સ્પેશિયલ એજન્ટ તરીકે જોડાયા બાદ સિન્હાની કારકિર્દી નોંધપાત્ર રહ્યાનું ગયા સપ્તાહે સોમવારે રીલીઝમાં જણાવાયું હતું. તેમની કારકિર્દી મિલવૌકી ફિલ્ડ ઓફિસથી શરૂ થઈ હતી, જ્યાં તેમણે ત્રાસવાદ વિરોધી તપાસમાં સમર્પિત પ્રયત્નો કર્યા. તેમની વર્સેટિલિટી અને પ્રતિબદ્ધતા દર્શાવતા, તેમણે ગુઆન્ટાનામો બે નેવલ બેઝ, લંડનમાં એફબીઆઈ લીગલ એટેચી ઓફિસ અને બગદાદ ઓપરેશન સેન્ટર સહિતના કામકાજ સોંપાયા હતા.
શાનદાર કામગીરી બજાવતા સિન્હાને 2009માં સુપરવાઇઝરી સ્પેશિયલ એજન્ટ તરીકે પ્રમોશન અપાયા પછી વોશિંગ્ટન, ડીસીમાં ત્રાસવાદ વિરોધી વિભાગમાં ટ્રાન્સફર કરાયા હતા. ત્યાં, તેમણે કેનેડા-આધારિત એક્સ્ટ્રાટેરિટોરિયલ તપાસ માટે પ્રોગ્રામ મેનેજરની ભૂમિકા નિભાવી, વોશિંગ્ટન, ડીસી સ્થિત કેનેડિયન સંપર્ક અધિકારીઓ સાથે સહયોગને પ્રોત્સાહન આપ્યું.
2012માં, સિન્હાએ વધુ એક સીમાચિહ્ન હાંસલ કર્યું કારણ કે તેમણે ઓટ્ટાવા, કેનેડામાં મદદનીશ લીગલ એટેચી તરીકે બઢતી આપવામાં આવી હતી. અહીં તેમનું કાર્ય રોયલ કેનેડિયન માઉન્ટેડ પોલીસ અને કેનેડિયન સિક્યોરિટી ઇન્ટેલિજન્સ સર્વિસ સાથે ગાઢ સહકાર દ્વારા ત્રાસવાદ વિરોધી બાબતોનો મુકાબલો કરવાનું હતું. તેમણે 2015માં ડેટ્રોઇટ ફીલ્ડ ઓફિસમાં ફીલ્ડ સુપરવાઇઝર તરીકે બઢતી આપવામાં આવી. આ ભૂમિકામાં, તેમણે જટિલ આંતરરાષ્ટ્રીય ત્રાસવાદના કેસોની તપાસ માટે જવાબદાર ટુકડીઓનું અસરકારક નેતૃત્વ કર્યું હતું.
