ભારતની ત્રણ દિવસની સત્તાવાર મુલાકાતે આવેલી ફ્રાન્સના પ્રેસિડન્ડ ઇમેન્યુઅલ મેક્રોન મંગળવારે બોલિવૂડની હસ્તીઓને મળ્યા હતાં અને તેમણે સવારે મુંબઈમાં કોસ્ટલ રોડ નજીક આવેલા પ્રતિષ્ઠિત મરીન ડ્રાઇવ પર જોગિંગ પણ કર્યું હતું.
મેક્રોન અને ફર્સ્ટ લેડી બ્રિજિટ મેક્રોન ભારતના કેટલાક ટોચના ફિલ્મ નિર્માતાઓ અને કલાકારોને મળ્યા હતાં તથા સિનેમા, સંસ્કૃતિ અને સહયોગ વિશે આદાનપ્રદાન કર્યું હતું. તાજમહેલ પેલેસ હોટેલમાં બપોરે ૧૨:૩૦ વાગ્યે શરૂ થયેલી લંચ દરમિયાન બે કલાક ચાલેલી બેઠકમાં ઝોયા અખ્તર, શબાના આઝમી, મનોજ બાજપેયી, અનિલ કપૂર, કબીર ખાન, નીરજ ઘાયવાન, રિચા ચઢ્ઢા અને ગ્રેમી એવોર્ડ વિજેતા સંગીતકાર રિકી કેજ જેવા કલાકારો સામેલ થયાં હતાં.
ફ્રાન્સ અને ભારત ફિલ્મ ઉદ્યોગો દ્વારા સહયોગને કેવી રીતે વધુ ગાઢ બનાવી શકે છે તેના પર ચર્ચાવિચારણા કરાઈ હતી. ફ્રેન્ચ પ્રતિનિધિમંડળનો ભાગ રહેલા રીકી કેજે જણાવ્યું હતું કે મેક્રોને ભારતીય ફિલ્મ નિર્માતાઓ અને કલાકારો સાથે લંચ કર્યું હતું. બપોરના ભોજનમાં એક અત્યાધુનિક ઇન્ડો-ફ્રેન્ચ ફ્યુઝન મેનુ હતું. મહેમાનોએ રાટાટોઇલ, પનીર ભુર્જી ડમ્પલિંગ, સ્ટ્રોબેરી મીઠાઈઓ અને કુલ્ફીનો ભારતીય સ્વાદ માણ્યો હતો.
અનિલ કપૂરે જણાવ્યુ હતું કે “આ મુલાકાતને ખાસ યાદગાર બનાવનારી બાબત એ હતી કે ફ્રેન્ચ પ્રેસિડન્ટના પત્ની મારા કામથી પરિચિત હતાં અને હું જે આંતરરાષ્ટ્રીય ફિલ્મોનો હિસ્સો બન્યો હતો તેની તેમણે કેટલી પ્રશંસા કરી
