હ્યુસ્ટનના રોઝનબર્ગમાં સેવા યુએસએના સહકારથી હ્યુસ્ટન મહારાષ્ટ્ર મંડળ દ્વારા સંચાલિત વિઠ્ઠલ રુક્મિણી મંદિર ખાતે 8 ફેબ્રુઆરીના રોજ વૃક્ષારોપણ અભિયાનનું આયોજન કરવામાં આવ્યું હતું.
આ માટે લગભગ 120 સમુદાયના સભ્યો એકઠા થયા હતા અને સેવા યુએસએ સાથેના સહયોગમાં આયોજિત આ પહેલનો હેતુ પર્યાવરણીય સંભાળ અને સમુદાય ભાગીદારીને પ્રોત્સાહન આપવાનો હતો.
પાંચથી 80 વર્ષની વયના પરિવારો, બાળકો અને વરિષ્ઠ નાગરિકોએ વહેલી સવારે હાથ મિલાવી મંદિરના 11 એકરના કેમ્પસમાં નેટીવ ટેક્સાસના છોડ વાવ્યા હતા અને સસ્ટેઇનીબીલીટી વિશે જાગૃતિ ફેલાવી વિઠ્ઠલ રુક્મિણી મંદિરની કુદરતી સુંદરતામાં વધારો કર્યો હતો.
સેવાના સ્વયંસેવકોએ મંદિરના માર્ગો પર પેવર બ્લોક અને ઇંટો મૂકીને વધારાના કાર્ય હાથ ધર્યું હતું. HMM બોર્ડ ઓફ ડિરેક્ટર્સના સભ્યોએ કાર્યક્રમમાં હાજરી આપી સ્વયંસેવકોનો આભાર માન્યો હતો અને સામૂહિક પ્રયાસની પ્રશંસા કરી હતી.
